Heydər Əliyev
yeni azerbaycan logo

Ana səhifə / YAP xəbərləri / Laçınlılar Yeni Azərbaycan Partiyasının namizədinə səs verəcəklər

Laçınlılar Yeni Azərbaycan Partiyasının namizədinə səs verəcəklər

16.10.2015 [10:21]

YAP-ın 121 saylı Laçın Seçki Dairəsindən namizədi Mahir Abbaszadə Binəqədi rayonu Biləcəri və Sulutəpə qəsəbələrində yaşayan laçınlı seçicilərlə görüş keçirib
Yeni Azərbaycan Partiyasının (YAP) Milli Məclisə seçkilərdə irəli sürdüyü namizədlərin təbliğat-təşviqat kampaniyası uğurla davam edir. Kampaniya çərçivəsində YAP-ın 121 saylı Laçın Seçki Dairəsindən namizədi Mahir Tapdıq oğlu Abbaszadə Binəqədi rayonu Biləcəri və Sulutəpə qəsəbələrində yaşayan laçınlı seçicilərlə görüş keçirib.
Görüşü giriş sözü ilə açan YAP Laçın rayon təşkilatının sədri Aqil Nəzərli bildirib ki, hazırda təşviqat kampaniyasına start verilib və partiyanın namizədləri yerlərdə seçicilərlə görüşürlər: “121 saylı Laçın Seçki Dairəsindən isə partiyamızın İdarə Heyətinin qərarına əsasən, Abbaszadə Mahir Tapdıq oğlunun namizədliyi irəli sürülüb”.
Aqil Nəzərli seçiciləri fəal olmağa və 1 noyabr parlament seçkilərində məntəqələrə gedərək, ümumxalq partiyası olan Yeni Azərbaycan Partiyasının irəli sürdüyü namizədə səs verməyə çağırıb.
Seçicilər qarşısında çıxış edən 121 saylı Laçın Seçki Dairəsindən YAP tərəfindən namizədliyi irəli sürülmüş Mahir Abbaszadə əvvəlcə ölkəmizdə əsası Ulu öndər Heydər Əliyev tərəfindən qoyulmuş, bu gün isə Prezident İlham Əliyev tərəfindən uğurla davam etdirilən siyasət nəticəsində qazanılmış böyük uğurlardan danışıb, eyni zamanda, bu nailiyyətlərin gələcək illərdə də davam edəcəyinə əminliyini ifadə edib.
Yeni Azərbaycan Partiyasının dövlətçiliyimizin inkişafı, xalqımızın rifahının daha da yaxşılaşması istiqamətində görülən işlərdə əvəzsiz rolunu da diqqətə çatdıran natiq “Yeni Azərbaycan Partiyası yarandığı gündən bu günədək xalqımızın maraqlarına söykənən fəaliyyəti ilə böyük uğurlar qazanıb. Mənim üçün həm şərəf, həm də məsuliyyətdir ki, regionun ən güclü partiyası olan Yeni Azərbaycan Partiyası tərəfindən namizədliyim irəli sürülüb”, - deyib.
Daha sonra pedaqoji elmlər doktoru, Bakı Biznes Universitetinin müəllimi Cəbrayıl Qəhrəmanov, rayon ağsaqqalları və ziyalıları Murad Hüseynov, Həsənalı Rzayev, Dilarə Əmraslanova, Şakir Əhmədov, İsa Məmmədov, Azər Şükürov və başqaları çıxış edərək, partiyamızın namizədi Mahir Abbaszadəni dəstəklədiklərini bəyan ediblər.
NADİR

Paylaş:
Baxılıb: 858 dəfə

Xəbər lenti

Hamısına bax

Gündəm

Gündəm

Gündəm

İqtisadiyyat

Sosial

İqtisadiyyat

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30