Yeni Azərbaycan Partiyasının qazandığı uğurlar partiyanın yüksək nüfuzu və səmərəli fəaliyyətini göstərir

Bakı:

27 °C

52 %

1 m/s

AZ RU EN

Ana səhifə / YAP xəbərləri / Yeni Azərbaycan Partiyasının qazandığı uğurlar partiyanın yüksək nüfuzu və səmərəli fəaliyyətini göstərir

Yeni Azərbaycan Partiyasının qazandığı uğurlar partiyanın yüksək nüfuzu və səmərəli fəaliyyətini göstərir

27.10.2015 [09:57]

YAP tərəfindən 97 saylı Goranboy-Ağdam-Tərtər Seçki Dairəsindən deputatlığa namizədliyi irəli sürülmüş Ağalar Vəliyevin Goranboy rayonunun Buzluq kəndində seçicilərlə görüşü keçirilib
Yeni Azərbaycan Partiyası (YAP) təbliğat-təşviqat kampaniyasını uğurla davam etdirir. Kampaniya çərçivəsində partiya tərəfindən 97 saylı Goranboy-Ağdam-Tərtər Seçki Dairəsindən deputatlığa namizədliyi irəli sürülmüş Ağalar Vəliyevin Goranboy rayonunun Buzluq kəndində seçicilərlə görüşü keçirilib.
Görüşü giriş sözü ilə açan YAP Goranboy rayon təşkilatının sədri Elçin İsmayılov Yeni Azərbaycan Partiyasının keçdiyi şərəfli yoldan ətraflı bəhs edib. O qeyd edib ki, ümumxalq partiyası olan Yeni Azərbaycan Partiyasının əldə etdiyi çoxsaylı nailiyyətlər Azərbaycanın inkişafında özünəməxsus yer tutur. Eyni zamanda, Yeni Azərbaycan Partiyasının qazandığı uğurlar partiyanın yüksək nüfuzu və səmərəli fəaliyyətini göstərir.
E.İsmayılov Azərbaycanın dinamik inkişafından, Prezident İlham Əliyevin uğurlu daxili və xarici siyasətindən, ölkədə həyata keçirilən sosial layihələrdən və digər məsələlərdən bəhs edərək seçiciləri noyabrın 1-də keçiriləcək parlament seçkilərində aktiv iştirak etməyə və YAP-ın namizədlərinə səs verməyə çağırıb.
Daha sonra Ağalar Vəliyevin vəkilləri Şahin Allahverdiyev və Məzahir Zeynalov onun tərcümeyi-halı və əmək fəaliyyəti barədə geniş məlumat veriblər.
Seçicilər qarşısında çıxış edən Ağalar Vəliyev isə bildirib ki, Yeni Azərbaycan Partiyası Azərbaycanın ən güclü siyasi təşkilatı olmaqla ölkəmizin ictimai-siyasi həyatında fəal rol oynayır: “Azərbaycan tarixində YAP qədər böyük, güclü partiya olmayıb. Bilirsiniz ki, partiyamız öz gücünü Heydər Əliyev ideyalarından alır. Biz bu ideyalar ətrafında birləşərək mütəşəkkil siyasi qüvvəyə çevrilmişik. Azərbaycanın bugünkü inkişafı məhz Heydər Əliyev ideyaları ilə bağlıdır. Və partiyamız bu ideyaların təbliğatçısıdır. Ötən 23 il ərzində YAP böyük bir inkişaf yolu keçib və bu gün partiyamız Prezident İlham Əliyevin rəhbərliyi ilə inkişafının yeni mərhələsini yaşayır”.
Görüşdə çıxış edən Buzluq kənd sakinləri Elnur Pirəliyev, Kəmalə Novruzova, Rəşad Ələkbərov və başqaları seçimlərini YAP-ın namizədinin lehinə edəcəklərini - Ağalar Vəliyevə səs verəcəklərini bildiriblər.
NURLAN

Paylaş:

Baxılıb: 861 dəfə