Ulu öndər Heydər Əliyevin zəngin dövlətçilik irsinin gənc nəslə çatdırılması böyük əhəmiyyət daşıyır

Bakı:

14 °C

82 %

7 m/s

AZ RU EN

Ana səhifə / YAP xəbərləri / Ulu öndər Heydər Əliyevin zəngin dövlətçilik irsinin gənc nəslə çatdırılması böyük əhəmiyyət daşıyır

Ulu öndər Heydər Əliyevin zəngin dövlətçilik irsinin gənc nəslə çatdırılması böyük əhəmiyyət daşıyır

21.05.2016 [10:33]

Ulu öndər Heydər Əliyevin anadan olmasının 93-cü ildönümü münasibətilə reallaşdırılan silsilə tədbirlər çərçivəsində Səbail rayon İcra Hakimiyyətinin və Yeni Azərbaycan Partiyası (YAP) Səbail rayon təşkilatının məktəblilər arasında keçirdiyi “Hərbi vətənpərvərlik” mövzusunda rəsm və “Bədii qiraət” müsabiqələrinin qalibləri mayın 20-də mükafatlandırılıb.
AZƏRTAC xəbər verir ki, YAP Səbail rayon təşkilatının qərargahında keçirilən tədbir iştirakçıları əvvəlcə rəsm müsabiqəsində qalib elan edilən əsərlərin nümayiş olunduğu sərgiyə baxıblar.
YAP Səbail rayon təşkilatının sədri, Milli Məclisin deputatı, professor Şəmsəddin Hacıyev tədbirdə çıxış edərək Ümummilli lider Heydər Əliyevin misilsiz xidmətlərinin xalqımızın tarixinə əbədi həkk olunduğunu vurğulayıb. Ş.Hacıyev dahi şəxsiyyətin Azərbaycan dövləti və xalqı qarşısındakı xidmətlərindən danışıb, Ulu öndərin ölkəmizin ən çətin anlarında böyük xilaskar missiyasından, respublikanı dərin siyasi və iqtisadi böhrandan çıxararaq onu məhv olmaq təhlükəsindən xilas etməsindən, həmçinin ölkə iqtisadiyyatının bazar mexanizmləri əsasında qurulmasında, cəmiyyət həyatının demokratikləşməsində, sabitliyin təmin olunmasında və s. sahələrdə misilsiz rolundan bəhs edib.
YAP Səbail rayon təşkilatının sədri Ümummilli liderimizin əziz xatirəsinin qədirbilən Azərbaycan xalqının qəlbində daim yaşayacağını vurğulayıb. O, dahi şəxsiyyətin anadan olmasının 93-cü ildönümü münasibətilə silsilə tədbirlərin keçirilməsinin Ulu öndərin zəngin dövlətçilik irsinin öyrənilməsi və gənc nəslə çatdırılması baxımından böyük əhəmiyyət daşıdığını qeyd edib. Ş.Hacıyev müsabiqənin qaliblərini təbrik edib, onlara uğurlar arzulayıb.
Sonra aprelin 29-da YAP Səbail rayon təşkilatının qərargahında keçirilmiş “Bədii qiraət” və mayın 10-da “Hərbi vətənpərvərlik” mövzusunda təşkil olunan rəsm müsabiqələrinin qalibləri mükafatlandırılıb.
“Sahil bağı”nda keçirilmiş rəsm müsabiqəsində rayonun orta ümumtəhsil müəssisələrinin, həmçinin Bakı Oksford məktəbinin, eləcə də rayondakı 20 nömrəli Uşaq Yaradıcılıq Mərkəzinin 100-dən çox şagirdi iştirak edib. Müsabiqədə Aysel Əliyeva birinci, Aysu Quliyeva ikinci, Aydan Bakirova isə üçüncü yeri tutublar.
“Bədii qiraət” müsabiqəsində isə “Mən fəxr edirəm ki, azərbaycanlıyam” şerini səsləndirən Əzizəxanım Kazımova qalib olub. Mirxalis Hüseynli ikinci, Lətifə Nəsibova isə üçüncü yerə layiq görülüblər.
İlk üçlükdə yer alan şagirdlər Fəxri fərman, digər iştirakçılar isə sertifikatlar və xüsusi mükafatlarla təltif olunublar.

Paylaş:

Baxılıb: 973 dəfə