Heydər Əliyev
yeni azerbaycan logo

Ana səhifə / YAP xəbərləri / YAP Nəsimi rayon təşkilatında bələdiyyə seçkilərinin təbliğat-təşviqat kampaniyası çərçivəsində növbəti görüş keçirilib

YAP Nəsimi rayon təşkilatında bələdiyyə seçkilərinin təbliğat-təşviqat kampaniyası çərçivəsində növbəti görüş keçirilib

18.12.2019 [09:19]

Dekabrın 23-də Azərbaycanda keçiriləcək bələdiyyə seçkilərinin təbliğat-təşviqat kampaniyası çərçivəsində dünən Yeni Azərbaycan Partiyasi Nəsimi rayon təşkilatının təşkilatçılığı ilə rayonun təhsil işçiləri ilə növbəti görüş keçirilib.
YAP Nəsimi rayon təşkilatının sədri, partiyanın Siyasi Şurasının üzvü, millət vəkili Məlahət İbrahimqızı çıxış edərək görüşün keçirilməsində məqsədin bələdiyyə seçkiləri ərəfəsində rayon sakinlərinin, xüsusilə təhsil işçilərinin fəallığının artırılması, seçkilərlə əlaqədar bölgələrdə görüşlərin təşkili və digər məsələlərin müzakirəsi olduğunu bildirib.
Ölkəmizdə bütün sahələrdə, o cümlədən təhsil sahəsindəki islahatların davamlı şəkildə həyata keçirildiyini deyən YAP Nəsimi rayon təşkilatının sədri bildirib ki, əsası Ümummilli lider Heydər Əliyev tərəfindən qoyulan bu siyasət Prezident İlham Əliyev tərəfindən uğurla davam etdirilir.
Məlahət İbrahimqızı əlavə edib ki, ölkəmizdə bələdiyyə institutunun yeni yaranmasına baxmayaraq, onun inkişaf etdirilməsi və təkmilləşdirilməsi məqsədilə mühüm qanunvericilik bazası formalaşdırılıb və bələdiyyələrin statusu, qulluğunun təşkili, maliyyəsinin əsasları və digər sahələri əhatə edən çoxsaylı qanunlar qəbul olunaraq onların səmərəli fəaliyyəti üçün dövlət tərəfindən hər cür şərait yaradılıb. YAP Nəsimi rayon təşkilatının sədri təhsil işçilərini qarşıdan gələn bələdiyyə seçkilərində fəal olmağa çağırıb.
Sonda tədbirdə iştirak edənlərə bir sıra təbliğat materialları paylanıb.

Paylaş:
Baxılıb: 622 dəfə

Xəbər lenti

Hamısına bax

YAP xəbərləri

İqtisadiyyat

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30