Vüqar Seyidov: Türkiyənin ATƏT-in Minsk qrupunun həmsədri olması artıq tarixi zərurətdir

Bakı:

24 °C

69 %

14 m/s

Əlaqə

AZ RU EN

Ana səhifə / YAP xəbərləri / Vüqar Seyidov: Türkiyənin ATƏT-in Minsk qrupunun həmsədri olması artıq tarixi zərurətdir

Vüqar Seyidov: Türkiyənin ATƏT-in Minsk qrupunun həmsədri olması artıq tarixi zərurətdir

19.08.2020 [09:03]

“Ermənistan-Azərbaycan Qarabağ münaqişəsinin beynəlxalq hüquq normaları çərçivəsində və ədalətli həlli Azərbyacan Prezidentinin qəti və dəyişməz mövqeyidir. Bunun nəticəsidir ki, Azərbaycan dövləti həm döyüş meydanlarında, həm də diplomatik cəbhədə işğalçı Ermənistandan üstündür. Azərbaycan dünyanın əskər dövlətlərinin etimad göstərdiyi və əməkdaşlıq etmək istədiyi dövlətlərdəndir. Azərbaycanı gücləndirən, Ermənistanı isə dalana və çıxılmaz vəziyyətə salan məhz bu amillərdir”.
Bu fikirləri Yeni Azərbaycan Partiyası (YAP) Suraxanı rayon təşkilatının sədri Vüqar Seyidov deyib.
V.Seyidovun sözlərinə görə, Ermənistan silahlı qüvvələrinin Tovuz təxribatı bir çox məqamlara aydınlıq gətirib: “Azərbaycan əsl dostlarını da, bu məqamda Ermənistana dəstək göstərənləri də gördü. İşğalçının öz adı ilə çağırılmaması sülh danışıqlarının uzun illərdir nəticəsiz qalmasına səbəb olub. Azərbaycan münaqişənin sülh yolu ilə həllinin tərəfdarıdır, lakin Ali Baş Komandanın dəfələrlə bəyan etdiyi kimi, dövlətimiz öz torpaqlarının işğalı ilə heç vaxt barışmayacaq”.
Rayon təşkilatının sədri deyib ki, ATƏT-in Minsk qrupunun fəaliyyətsizliyi və həmsədr dövlətlərin münaqişə tərəfləri arasında bərabərlik yaratması sülhün əldə edilməsinə imkan vermir: “Bütün bunlar danışıqların gedişində yenilik edilməsinin, ən azından həmsədrlik institunda və ya formatında dəyişiklik aparılmasının vacibliyini ortaya çıxarır. Hesab edirəm ki, Minsk qrupunun strukturunda dəyişikliklər edilə bilər. Məsələn, sülh danışıqlarında prosesin uğurla nəticələnməsi üçün Minsk qrupu həmsədrlərinin formatında dəyişiklik oluna, Türkiyə Respublikası danışıqlar prosesinə daxil edilə bilər. Türkiyənin ATƏT-in Minsk qrupunun həmsədri olması artıq tarixi zərurətdir”.
“Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğanın sayəsində iki ölkə arasında olan münasibətlər məcmusu çox unikaldır. Müstəqilliyimizin ilk vaxtlarından Azərbaycan-Türkiyə əməkdaşlığı hər sahədə inkişaf edir, hərbi əməkdaşlığımız da bu münasibətlərin mühüm tərkib hissəsidir. Eyni zamanda, Azərbaycanın iqtisadi və hərbi qüdrəti dövlətimizin bütün səviyyələrdə milli maraqlarını müdafiə etmək iqtidarında olmasının göstəricisidir. Xalqımızın Prezident İlham Əliyevin ətrafında sıx birləşməsi işağl altında olan torpaqlarımızın azad ediləcəyi günü yaxınlaşdırır”, - deyə V.Seyidov bildirib.

Paylaş:

Baxılıb: 676 dəfə