İlqar İlyasov: İşğal altında olan Azərbaycan torpaqlarında muzdluların məskunlaşdırılması terror məqsədi daşıyır

Bakı:

18 °C

88 %

2 m/s

AZ RU EN

Ana səhifə / YAP xəbərləri / İlqar İlyasov: İşğal altında olan Azərbaycan torpaqlarında muzdluların məskunlaşdırılması terror məqsədi daşıyır

İlqar İlyasov: İşğal altında olan Azərbaycan torpaqlarında muzdluların məskunlaşdırılması terror məqsədi daşıyır

23.09.2020 [09:17]

“Tarixdən hər kəsə məlumdur ki, dünyada Ermənistan adlı dövlət mövcud olmayıb. Ermənilərin Azərbaycanın müxtəlif ərazilərində məskunlaşdırılması tarixləri müxtəlifdir. Ən sadə nümunə sübut edir ki, ermənilər qədim Azərbaycan ərazisinə sonradan gəlmədirlər və onların bu torpaqlara yerləşdirilməsinin də arxasında məkrli siyasət dayanır”.
Bu fikirləri Yeni Azərbaycan Partiyası (YAP) Laçın rayon təşkilatının sədri İlqar İlyasov deyib.
İ.İlyasov bildirib ki, tarixi faktlar bütün reallıqları üzə çıxarır: “Əslində, tarixi faktlar erməniləşdirmə prosesinin Rusiya imperiyasının siyasəti oldugunu isbat edir. Ermənilər yalnız imperiyanın yaratdıgı tarixi fürsətlərdən məharətlə istifadə etməyə çalışıb. Bu məqamda qeyd edək ki, bu məkrli siyasətin iştirakçısı kimi ermənilər seçilib. Bu siyasətdən dəstək alan ermənilər tarixən “Böyük Ermənistan” yaratmaq xülyası ilə yaşayıb, əsasən Qafqazda, məxsusən də Azərbaycan ərazilərində işgalçılıq, zorakılıq, terror siyasəti həyata keçirib və bu gün də bu vandal əməllərindən əl çəkmirlər. Dağlıq Qarabağ və yeddi ətraf rayonu etnik təmizləməyə məruz qoyan Ermənistan bu ərazilərdə qeyri-qanuni fəaliyyətlərini davam etdirirlər”.
İ.İlyasovun sözlərinə görə, ermənilərin işğal etdikləri Azərbaycan ərazilərində Suriya və Livandan olan ermənilərin yerləşdirilməsi də bu məqsədin həyata keçirilməsindən qaynaqlanır: “Digər bir məqsəd isə həmin ermənilərdən muzdlu döyüşçü kimi istifadə etməkdir. Aydındır ki, işğal altında olan Azərbaycan torpaqlarında məskunlaşdırılan muzdlular Azərbaycana qarşı terror cəhdləri edəcəklər. Ən təhlükəli məqamlardan biri də budur ki, işğal altında olan ərazilərimizdəki tarixi-dini abidələrimizi erməniləşdirib gəlmələrin vasitəsilə foto-video materiallarını dünyaya yaymaqla bu ərazilərin guya ermənilərə məxsus olmasını nümayiş etdirməyə cəhd göstərirlər. Lakin ermənilərin bu əməllərinə beynəlxalq ictimaiyyət yetərincə diqqət yetirmir. Ermənilər tərəfindən istər 1949-cu il Cenevrə Konvensiyasının və ona əlavə Protokolların müddəalarının pozulması, istərsə BMT Təhlükəsizlik Şurasının Daglıq Qarabag münaqişəsi ilə bağlı qətnamələrinə məhəl qoyulmamasına beynəlxalq qurumların reaksiya verməməsi ikili standartlardan xəbər verir”.

Paylaş:

Baxılıb: 694 dəfə