Heydər Əliyev
yeni azerbaycan logo

Ana səhifə / YAP xəbərləri / Ramiz Göyüşov: Ali Baş Komandan və Azərbaycan Ordusu xalqımızla birlikdə möhtəşəm tarixi qələbəyə imza atıb

Ramiz Göyüşov: Ali Baş Komandan və Azərbaycan Ordusu xalqımızla birlikdə möhtəşəm tarixi qələbəyə imza atıb

27.11.2020 [09:08]

“Azərbaycan xalqı, Azərbaycan Ordusu və Ali Baş Komandan İlham Əliyev son yüzilliklərin ən möhtəşəm qələbəsini qazanıb. Lakin bu qələbəyə gedən yol asan başa gəlməyib. Azərbaycan Prezidenti İlham Əliyev hakimiyyətdə olduğu 17 il ərzində Dağlıq Qarabağ probleminin həllinə doğru düşünülmüş, uzaqgörən addımlar atıb. Eyni zamanda, münaqişənin həlli ilə əlaqədar Ümummilli Liderimiz Heydər Əliyev tərəfindən müəyyənləşdirilmiş təməl prinsiplərini əsas götürərək həmişə Azərbaycanın qəti mövqeyini bəyan edib: “Azərbaycan ərazisində ikinci erməni dövləti yaradıla bilməz, Azərbaycanın ərazi bütövlüyü müzakirə obyekti ola bilməz”. Bu qəti mövqe bizi bugünkü qələləbənin əldə edilməsinə yaxınlaşdırıb”. Bu fikirləri qəzetimizə açıqlamasında Yeni Azərbaycan Partiyası (YAP) Binəqədi rayon təşkilatının sədri Ramiz Göyüşov deyib.
“Sentyabr ayının 27-də növbəti erməni təxribatının qarşısını almaq məqsədilə bütün cəbhəboyu həyata keçirilən əks-hücum əməliyyatlarına başlamaqla Ali Baş Komandanın rəhbərliyi ilə Azərbaycan Ordusu tarix yazdı. Ordumuzun misilsiz rəşadəti nəticəsində 30 il işğal altında olan torpaqlar işğaldan azad edildi. Azərbaycan xalqının şərəf tarixi yazıldı, millətin qüruru özünə qaytarıldı. Azərbaycan təkcə Ermənistan və onun havadarları üzərində deyil, bütün ermənilik üzərində şanlı qələbə qazandı”, - deyə R.Göyüşov bildirib.
R.Göyüşovun sözlərinə görə, 44 gündə Ali Baş Komandan İlham Əliyev şəxsən qələbə müjdəsini Özü xalqa çatdırıb: “Prezident, Ali Baş Komandan İlham Əliyev, eyni zamanda, Azərbaycan dövlətinin gücünü, qüdrətini, Azərbaycan xalqının döyüş ruhunu, qələbə əzmini dünyaya təqdim etdi. Ali Baş Komandan və Azərbaycan Ordusu xalqımızla birlikdə möhtəşəm tarixi qələbəyə imza atıb. Ölkəmizdə Azərbaycan tarixinin heç vaxt görmədiyi misilsiz bir xalq-ordu-dövlət birliyi hökm sürür. Qələbən mübarək, Azərbaycan! Qarabağ Azərbaycandır!”.

Paylaş:
Baxılıb: 1005 dəfə

Xəbər lenti

Hamısına bax

YAP xəbərləri

Gündəm

Gündəm

Gündəm

İqtisadiyyat

MEDİA

İqtisadiyyat

Mədəniyyət

İqtisadiyyat

Gündəm

701,6 milyon avro...

29 Aprel 10:34

Analitik

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30