Almaniyanın Brandenburq şəhərindəki Beetzsee gölündə kayak və kanoe qayıqlarında avarçəkmə üzrə kişi və qadınlar arasında Avropa çempionatı start götürüb. Yarışa 35 ölkədən 17 olimpiya çempionu olmaqla, 500-dən çox idmançı qatılıb.  Azərbaycan isə qitə çempionatında ilk dəfə təmsil olunur. ölkəmizin şərəfini 3 kanoeçi və 1 kayakçı qoruyur. Kanoeçilərimizdən Valentin Demyanenko 1 nəfərlik qayıqda 200 metr və 500 metr, Sergey Bezuqlıy - Maksim Prokopenko dueti 2 nəfərlik qayıqda 500 metr və 1000 metr, kayakçımız Ramil Məmmədov isə 500 metr və 1000 metr məsafələrə yürüş edəcək.