Bu il oktyabrın 13-15-də Bakıda Azərbaycanın təşəbbüsü ilə “İslam ölkələri mədəniyyət nazirlərinin VI konfransı” keçiriləcək. Bunu mədəniyyət və turizm naziri Əbülfəs Qarayev bildirib. Nazir deyib ki, konfransa İslam ölkələri ilə yanaşı, Avropanın 10-dan artıq ölkəsinin mədəniyyət nazirləri də dəvət olunacaq. Əbülfəs Qarayev konfrans çərçivəsində Avropa Şurasına üzv ölkələr ilə İslam Konfransı Təşkilatına üzv ölkələr arasında “Mədəniyyətlərarası dialoq” mövzusunda dəyirmi masanın təşkil ediləcəyini də diqqətə çatdırıb.