“Neftçi” Futbol Klubu ikinci transferini açıqlayıb.

“Yeni Azərbaycan” xəbər verir ki, paytaxt təmsilçisi Azərbaycan yığmasının da formasını geyinmiş Eddi İsrafilovun keçidini rəsmiləşdirib. İsrafilov “ağ-qaralar”ın heyətində 14 nömrəli formanı geyinəcək. İmzalanan müqavilənin detalları açıqlanmayıb. İsrafilov iyunda İspaniya "Albasete"sindən ayrıldıqdan sonra klubsuz qalıb.
Qeyd edək ki, “Neftçi” bundan öncə milli komandamızın üzvü Azər Salahlını transfer etmişdi.