Azərbaycanın Litvadakı səfirliyindən verilən məlumata görə, Vilnüsdə keçirilən ATƏT Parlament Assambleyasının yay sessiyasında iştirak edən Milli Məclisin deputatı Asəf Hacıyev iyulun 3-də Avropa Xalq Partiyasının (AXP) sədri isveçli deputat Valburqa Habsburq Duqlas və Qoran Lennmarker ilə görüşüb.
AXP-yə Avropa İttifaqına (Aİ) üzv olan dövlətlərin sağ-mərkəz yönümlü siyasi partiyaları daxildir. Aİ üzvü olmayan yeddi ölkədən sağ-mərkəz istiqamətli siyasi qüvvələr bu partiyada müşahidəçi qismində iştirak edirlər. Avropa Parlamentində ən böyük siyasi qüvvə olan AXP ilə Yeni Azərbaycan Partiyası (YAP) da əməkdaşlıq etmək niyyətindədir. YAP-ın müşahidəçi kimi iştirakı məsələsi Avropa Xalq Partiyası Bürosunun cari ilin payızında keçiriləcək toplantısında gündəmdə olacaq.
Səmərəli keçən görüşdə MM-in deputatı Asəf Hacıyev YAP adından AXP-nin sədrini Azərbaycana dəvət edib. Dəvət məmnuniyyətlə qəbul edilib.