MDB Parlamentlərarası Assambleyası Şurasının Demokratiyanın, parlamentarizmin inkişafının və vətəndaşların seçki hüquqlarına riayət olunmasının monitorinqi Beynəlxalq İnstitutunun Bakı filialı “Azərbaycanda bələdiyyə seçkiləri” mövzusunda tədqiqat aparır. Qurumun mətbuat xidmətindən APA-ya bildirilib ki, institut qarşıdan gələn bələdiyyə seçkiləri ilə bağlı plan üzrə bir neçə istiqamətdə monitorinqlər keçirməyə, araşdırma və ictimai rəy sorğusu aparmağa başlayıb. Bakı şəhərindən başlamaqla regionlarda təlim kursları da keçiriləcək. Kursun keçirilməsində məqsəd müşahidəçilərin hazırlanmasından ibarətdir.