Moskvada Rusiya  xarici işlər nazirinin müavini G.Karasin və RF Təhlükəsizlik Şurası katibinin müavini Y.Zubakov Avropa İttifaqı (Aİ) Şurası Baş Katibliyinin siyasi şöbəsinin  direktoru H.Şmid ilə görüşüblər. RF XİN-in İnformasiya və Mətbuat Departamentindən bildiriblər ki, tərəflər Moldovadakı vəziyyəti, Dnestryanı və Dağlıq Qarabağ münaqişələrinin həlli yollarını müzakirə ediblər. Aİ-nin Beynəlxalq missiyasının başçısı H.Talyavininin avqustda Qafqazda baş vermiş münaqişənin səbəblərini araşdıran məruzəsi nöqteyi-nəzərindən Cənubi Qafqazdakı vəziyyətlə bağlı  fikir mübadiləsi aparılıb.