“8 saylı Binəqədi birinci Seçki Dairəsi üzrə 37-si daimi, 1-i isə müvəqqəti olmaqla 38 seçki məntəqəsi fəaliyyət göstərir”.
Bunu “Seçki 2024” Müstəqil Media Mərkəzinə açıqlamasında 8 saylı Binəqədi birinci Dairə Seçki Komissiyasının (DSK) sədri Natiq Əliyev deyib. DSK sədri bildirib ki, seçki dairəsi üzrə 48 min 470 seçici qeydə alınıb: “Onların 44 faizini kişilər, 56 faizini isə qadınlar təşkil edir. Seçicilərin 874 nəfəri 80-100 yaşlı şəxslər, 453 nəfəri isə ilk dəfə səs verəcək gənclərdir”.
Natiq Əliyev qeyd edib ki, bu günə kimi DSK-ya müraciət edən 15 nəfərdən 11-nin namizədliyi qeydə alınıb. O əlavə edib ki, beynəlxalq müşahidələrlə DSK-da görüş olub.
“Seçki məntəqələrində seçkilərə hazırlıq işləri qanunvericiliyin tələblərinə uyğun aparılır. Dairənin hüdudları daxilində məntəqələr texniki cəhətdən tam hazırlıq vəziyyətinə gətirilib və elektrik generatorları işlək vəziyyətdədir”, - deyə DSK sədri əlavə edib.