Gizli sənədlər üzə çıxdı...

Bakı:

14 °C

82 %

10 m/s

Əlaqə

AZ RU EN

Ana səhifə / Xəbər lenti / Gizli sənədlər üzə çıxdı...

Gizli sənədlər üzə çıxdı...

17.05.2022 [10:48]

Ukraynalılar niyə Sibirə göndərilir?

MİKAYIL

Son vaxtlar Rusiyanın yüz minlərlə ukraynalını məcburi şəkildə müxtəlif bölgələrə deportasiya etdiyi iddia olunur. Bu barədə Britaniyanın “Daily Mail” nəşrində məlumat yayılıb.

İddiaya görə, müharibə zamanı əsir düşmüş ukraynalılar rus hərbçilər tərəfindən Ukraynadakı “filtrasiya” düşərgələrinə aparılırlar. Bu düşərgələrdəki ciddi sorğu-sualdan, amansız işgəncələrdən sonra şəxsi əşyaları zorla əllərindən alınır və onlar Rusiyanın Uzaq Şərqdəki bölgələrinə sürgün edilirlər. Bu düşərgələrdə ailələrindən ayrı düşmüş minlərlə uşağın olduğu bildirilir.

Stalinin sürgün siyasəti

Bu, insanlara İkinci Dünya müharibəsində Stalinin siyasətini xatırlatdı. Belə ki, keçmiş Sovet İttifaqının lideri İosif Stalin İkinci Dünya müharibəsində Rusiyaya qarşı alman faşistləri ilə əməkdaşlıq etdiklərini əsas gətirərək Qafqazda yaşayan yarım milyon insanı son dərəcə əlverişsiz şəraitdə Sibir və Orta Asiyaya sürgün etdi, çoxlu sayda insan bu səfər zamanı həlak oldu.

1944-cü ilin fevralında baş vermiş hadisə bəşər tarixinə qara ləkə kimi düşdü.

1,2 milyon ukraynalı Sibirə sürgün edildi

Sözügedən nəşrdə qeyd olunur: “Kremldəki mənbələrdən əldə edilən sənədlərə əsasən, Putin işğaldan əvvəl “Stalin taktikası”ndan istifadə edib və ukraynalılar üçün məcburi deportasiya planı hazırlayıb. Bu plana əsasən, Putin 2 milyon ukraynalını zorla Rusiyaya deportasiya etməyi düşünür. Gizli sənədlərə əsasən, müharibə başlayandan bəri təxminən 1,2 milyon ukraynalı Rusiyaya aparılıb. Rusiyaya aparılan ukraynalıların əksəriyyəti Sibirin ucqar kəndlərinə və Yaponiya yaxınlığındakı adalara köçürülüb. Bu ərazilərə köçürülən ukraynalıların zorla müxtəlif işlərdə çalışdırıldıqları iddia olunur.

Diqqət çəkən məqam isə odur ki, iddiaya görə, Rusiya müharibədən əvvəl ukraynalılar üçün artıq 1300-dən çox köçürmə mərkəzi yaradıbmış.

Ukrayna təsdiqlədi...

Ukrayna prezidenti Volodimir Zelenski də Portuqaliya parlamentində çıxışı zamanı bildirib ki, ruslar işğal olunmuş ərazilərdən ən azı 500 min ukrayna vətəndaşını Rusiyaya qaçırıblar.

Ukrayna rəsmilərinin sözlərinə görə, əsir götürülən bəzi ukraynalılar rus hərbçilər tərəfindən müharibədə “qalxan” kimi istifadə edilirlər. Qeyd olunub ki, əsirlər dağıdılmış binalarda partlamamış bombaları tapmağa və Rusiyanın müharibə cinayətləri sübutlarını məhv etməyə məcbur edilirlər.

Pentaqonun sözçüsü Con Kirbi isə ABŞ-ın Ukraynada “məcburi deportasiya” düşərgələri aşkar etdiyini bildirib.

Rəsmi Kreml nə deyir?

Kreml isə Mariupol kimi şəhərlərdən qaçan ukraynalıların “gedəcək yerləri olmadığı üçün” Rusiyaya aparıldığını deyir.

Paylaş:

Baxılıb: 617 dəfə