Azərbaycan beynəlxalq konvensiyanın tələblərini diqqət mərkəzində saxlayır

Bakı:

17°C

67%

2m/s

Əlaqə

AZ RU EN

Ana səhifə / Xəbər lenti / Azərbaycan beynəlxalq konvensiyanın tələblərini diqqət mərkəzində saxlayır

Azərbaycan beynəlxalq konvensiyanın tələblərini diqqət mərkəzində saxlayır

16.07.2022 [10:01]

Qadınlara qarşı ayrı-seçkiliyin ləğv edilməsi ilə bağlı tədbir keçirilib

Günel ABBAS

Keçən əsrin 70-80-ci illərində qadın hüquqları uğrunda hərəkatın daha da genişlənməsi, BMT-nin təşəbbüsü ilə 1975-ci ildə Beynəlxalq qadın ilinin, daha sonra 1975-1985-ci illərdə Qadın onilliyinin keçirilməsi qadın hüquqlarının tənzimlənməsinə dair xüsusi beynəlxalq hüquqi aktın qəbul edilməsi zərurətini meydana çıxardı. Nəticədə, BMT-nin Baş Assambleyası 18 dekabr 1979-cu il tarixdə “Qadınlara münasibətdə ayrı-seçkiliyin bütün formalarının ləğv edilməsi haqqında” Konvensiyanı qəbul etdi. Konvensiya 3 sentyabr 1981-ci il tarixində qüvvəyə minib. Bu gün Konvensiya Uşaq Hüquqları Konvensiyasından sonra dünyada ən çox ratifikasiya olunmuş beynəlxalq müqavilədir. Azərbaycan 1995-ci il 10 iyul tarixində Konvensiyanı ratifikasiya edib.

Konvensiyanın özünəməxsusluğu ondan ibarətdir ki, digər beynəlxalq müqavilələrdə ümumi şəkildə insan üçün təmin olunan hüquqlar burada məhz qadın üçün nəzərdə tutulub. Digər müqavilələrdən fərqli olaraq Konvensiyanın əsasında digər beynəlxalq müqavilələrdə təmin edilən “bərabərlik” deyil, “ayrı-seçkiliyin ləğv olunması” durur. Dövlətimiz kovensiyanın ratifikasiya olunduğu gündən etibarən bu məsələləri diqqət mərkəzində saxlayır, problemlərin həll yolunun tapılması üçün maarifləndirmə və qabaqlayıcı tədbirlər həyata keçirir.

Ötən gün Ailə, Qadın və Uşaq Problemləri üzrə Dövlət Komitəsi və Qeyri-Hökumət Təşkilatlarına Dövlət Dəstəyi Agentliyinin birgə təşkilatçılığı ilə baş tutan tədbir də bu istiqamətdə görülən işlərdəndir. Tədbir “BMT-nin Qadınlara qarşı ayrı-seçkiliyin bütün formalarının ləğv edilməsi haqqında Konvensiyasının (CEDAW) həyata keçirilməsində qeyri-hökumət təşkilatlarının rolu” mövzusunda keçirilib. Ailə, Qadın və Uşaq Problemləri üzrə Dövlət Komitəsinin Hüquqi-təminat şöbəsinin müdiri Taliyə İbrahimovanın moderatorluğu ilə keçirilən tədbirdə komitənin sədri Bahar Muradova, Qeyri-Hökumət Təşkilatlarına Dövlət Dəstəyi Agentliyinin icraçı direktoru Aygün Əliyeva və ictimaiyyət nümayəndələri iştirak ediblər.

Tədbirin keçirilməsində məqsəd 2022-ci il iyunun 16-da BMT-nin Qadınlara qarşı ayrı-seçkiliyin ləğv olunması üzrə Komitəsinin Cenevrə şəhərində keçirilən 82-ci sessiyasında Azərbaycan Hökumətinin “Qadınlara qarşı ayrı-seçkiliyin bütün formalarının ləğv edilməsi haqqında” Konvensiyasının icrasına dair altıncı dövri məruzəsi ilə bağlı CEDAW Komitəsinin yekun tövsiyələri barədə vətəndaş cəmiyyəti nümayəndələrini məlumatlandırmaq, onları bir daha müvafiq sahədə əməkdaşlığa və tövsiyələrin həyata keçirilməsinə töhfə verməyə dəvət etməkdir.

Paylaş:

Baxılıb: 460 dəfə