Kərimlinin yarınmaq arzusu...

Bakı:

20 °C

68 %

4 m/s

Əlaqə

AZ RU EN

Ana səhifə / Xəbər lenti / Kərimlinin yarınmaq arzusu...

Kərimlinin yarınmaq arzusu...

29.11.2023 [10:38]

Donor təşkilatların gözünə girmək fürsəti

Bəlli olduğu kimi, son günlər bəzi ölkələrə bağlı QHT-lərin “himayəsinə” sığınmış şəbəkənin ifşası, onların fəaliyyətlərindəki xəyanətkar məqamların ifşa edilməsi ilə bağlı mühüm proses inkişaf edir. Xüsusilə, “Abzas Media”nın fəaliyəti ilə bağlı ortaya çıxan bəzi faktlar bu şəbəkənin hansı işlərlə məşğul olduqlarını bariz şəkildə cəmiyyətə nümayiş etdirir. USAİD və başqa donor mənbələrindən “qidalanmaqla” yüz minlərlə avro və dollar “əldə etmiş” bu şəbəkə açıq şəkildə antimilli işlərlə məşğul olub. Bunun qarşılığında isə əldə etdikləri “qrantlar”ın bir hissəsi şəbəkənin genişləndirilməsinə “sərf olunub”.

Vurğulanmalıdır ki, USAİD və başqa “maraqlı təşkilatlar” vaxtilə bu işləri məhz redikül siyasi partiyalar, onların aparıcı şəxsləri və həmin şəxslərə bağlı QHT-lər vasitəsilə görürdü. Xüsusilə AXCP bu məsələdə daha aktiv şəkildə fərqlənirdi - Əli Kərimliyə “çatası” pullar məhz onun ətrafındakı qruplaşmaya bağlı QHT-lər vasitəsilə verilirdi. Təbii ki, bu pulların bir qarşılığı da vardı - həmin dövrdə bu pullar siyasi stabilliyin pozulması, xarici maraqların təmini, milli mənafeyə qarşı “etiraz aksiyalarının” təşkili və bu kimi bir sıra destabilliyyə istiqamətlənmiş hərəkətlənmələr qarşılığında verilirdi. Sonradan ölkəmizdə vətəndaş cəmiyyəti institutlarının maliyyələşməsi prosesinin yeni məcrada tənzimlənməsi, donor təşkilatlarla bağlı məlumatların dəqiqləşdirilməsi məsələsi aktualaşandan sonra adıçəkilən xarici təşkilatlar artıq siyasi partiyalarla “əlaqələrini” bir az səngitdi - artıq fərqli qruplar üzərindən bu işlərin görülməsinə başlanıldı. Əlbəttə ki, mühüm bir maliyyədən əli çıxan Ə.Kərimli kimi xəyanəti özünə peşə seçənlər yenə də bu kimi qruplarla, məsələn elə KİV adı altında pərdələnən, feminizm “şüarları altında” gizlədilən qruplarla yaxın əlaqələrə malik idilər, sinxron fəaliyyət göstərirdilər. Bunu təsdiq edən fakt Ə.Kərimlinin son günlərdə aparılan araşdırmalara “münasibəti” olub. Belə ki, məhkəmə qərarı olmadan, araşdırmalar sona çatmadan, istintaq yekunlaşmadan artıq Ə.Kərimli Ülvi Həsənov və Sevinc Vaqifqızını “siyasi məhbus” elan etməyə niyyətlənib. Bu, Kərimlinin əsl niyyətini, xəyanətdən şou düzəltmək istədiyini göstərir. Bu, həm də Ə.Kərimlinin yenidən vaxtilə qrant aldığı donor təşkilatlara “yarınmaq” həvəsindən və əlinə düşən fürsətdən maksimum yararlanmaq istəyindən irəli gəlir. Belə ki, AXCP sədri hələ də “istifadə oluna bilcəyi”ni onların diqqətinə bu yolla çatdırmaq istəyir...

Mənsur

Paylaş:

Baxılıb: 436 dəfə