Sevincin COP29 kədəri...

Bakı:

23 °C

53 %

6 m/s

Əlaqə

AZ RU EN

Ana səhifə / Xəbər lenti / Sevincin COP29 kədəri...

Sevincin COP29 kədəri...

11.12.2023 [11:14]

Redikül müxalifət və yalaq media məyus oldu…

Azərbaycanın beynəlxalq müstəvidəki rolu günü-gündən artmaqdadır. Ermənistan ilə münasibətlərin normallaşması prosesində müşahidə olunan son hadisələr, ikitərəfli danışıqlar formatının inkişaf etdirilməsi, hətta Ermənistanın Azərbaycanın COP29-a ev sahibliyini dəstəkləməsi yeni siyasi reallıqlardan xəbər verir. Nəzərə alınmalıdır ki, COP29 müasir dövrümüzün mühüm problemlərindən sayılan iqlim dəyişikliyinə həsr olunan yüksəksəviyyəli BMT zirvə toplantısıdır. BMT-nin İqlim Dəyişikliyi üzrə Çərçivə Konvensiyasının Tərəflər Konfransı bu qlobal məsələnin dünya liderləri müstəvisində müzakirəsini təmin edir. Xatırladaq ki, dünyanın 180-dən çox ölkəsi tərəfindən dəstəklənən Çərçivə Konvensiyası, iqlim dəyişmələri problemi ilə əlaqədar ümumi fəaliyyət prinsiplərinə dair bir müqavilədir. Bu tədbirlər dünyada ən ciddi şəkildə yanaşılan, dünyanın aparıcı dövlətlərinin başçılarının iştirakı ilə keçirilən toplantılardan sayılır. Azərbaycanın COP29-a ev sahibliyi etməsi ilə bağlı namizədliyinin irəli sürülməsi və bu namizədliyin dünyanın bir çox dövlətləri - həm Avropa, həm də Asiya regionu ölkələri tərəfindən artıq dəstəklənməsi olduqca ciddi və mühüm uğurdur.

Dövlətimizin bu uğuru isə hər zaman olduğu kimi redikül müxalifətin və yalaq "media"nın kədərinə səbəb olub. Məsələn, bu uğur erməni sevdalısı Sevinc Osmanqızını əməlli-başlı kədərə bürüyüb. O, internet kanalında Azərbaycanın COP29 uğuruna "həsr etdiyi" verilişdə kədərli şəkildə bu tədbirin BMT zirvəsi olduğunu etiraf edir və Azərbaycanın bu tədbirə ev sahibliyi etməsini qəbul edə bilmədiyini açıq şəkildə biruzə verir. Sitat: "COP29-un Bakıda keçirilməsi yəqin ki. həm də Ceyms Obraynla müzakirə olunub və mən düşünürəm ki, BMT Zirvəsinin Bakıya gətirilməsinin arxasında həm də ABŞ dayanıb… Əlbəttə ki, COP29 belə deyək, yaxşı tədbirdir. BMT zirvəsidir. Buraya dövlət rəhbərləri, BMT rəhbərləri gələcək. Yəni… belə deyək, razılaşmaq olar ki, bir imic, reytinq məsələsidir"…

Sevincin bu ifadələri söyləyərkən kədəri nəinki dilindən, hətta gözündən belə oxunur. Azərbaycanın dünyanın aparıcı gücləri ilə bərabərtərəfli münasibətlərini həzm edə bilməyən, BMT Zirvəsinin Bakıda keçirilməsini "ağlına sığışdırmayan" Osmanqızı və onun kimiləri növbəti dəfə əsl kimliklərini nümayiş etdirirlər. Maraqlıdır ki, Azərbaycanın COP29-a ev sahibliyi etməsini ermənilər belə dəstəkləyir – Sevinc Osmanqızı kimiləri və redikül müxalifət isə bir daha ermənidən betər olduqlarını ortaya qoyurlar. Ermənilər artıq prosesləri real şəkildə dərk edib, dəyərləndirirlər – redikül müxalifət və yalaq media isə kor tutduğunu buraxmadığı kimi özünün xain yolunun səhv olduğunu etiraf etmək istəmir.

Osmanqızı növbəti dəfə bir reallığı etiraf etmək məcburiyyətində qalır – Azərbaycanın yürütdüyü müstəqil xarici siyasət beynəlxalq aləmlə real və bərabərsəviyyəli əlaqələrin günü-gündən güclənməsini təmin edir. Qələbələrimizin də əsasında məhz bu amil dayanır – milli maraqlara istinad. Redikül müxalifətin və osmanqızıların bunu dərk etməsi mümkün deyil – onlar üçün bir maraq var, o da korporativ – yalaq təminat…

SADİQ