Ermənipərəstlər qorxuya düşüb

Bakı:

10 °C

87 %

6 m/s

Əlaqə

AZ RU EN

Ana səhifə / Xəbər lenti / Ermənipərəstlər qorxuya düşüb

Ermənipərəstlər qorxuya düşüb

23.02.2024 [10:30]

“filankəs o-qızı” kimi əlaltıların “hərəkətə keçməsi” bunu təsdiqləyir

Azərbaycan ilə Türkiyə arasındakı qardaşlıq münasibətləri bütün detalları ilə növbəti dəfə dünyaya nümayiş olundu. Prezident seçkilərindəki mütləq qələbənin ardından ilk rəsmi səfərini Türkiyəyə edən Prezident İlham Əliyev mühüm bir ənənəni davam etdirmiş oldu. İki ölkə başçısının birgə açıqlamaları ilə müttəfiqliyin, əməkdaşlığın və qardaşlığın daha da möhkəmlənməsini, dayanıqlı hal almasını şərtləndirdi. Ən əsası isə bu qardaşlıq və müttəfiqliyin bütövlükdə, Türk dünyası üçün yeni bir nümunəyə çevrilməsinin zərurəti dilə gətirildi.

Əlbəttə ki, bu amil ermənipərəst mərkəzləri və onların himayəsindəki əlaltılarını narahat etməyə bilməz. Türkiyə-Azərbaycan müttəfiqliyi nümunəsinin daha böyük coğrafiyaya yayılması bu mərkəzlərin planlarını alt-üst edir. Bu baxımdan da, həmin mərkəzlər öz əlaltılarını müxtəlif yollarla bu qardaşlığa qarşı kampaniyalar aparmağa “stimullaşdırır”.

Bu xəyanətkar davranışın ön sırasında isə həmişəki şəxslər yer alır. Özünün xain ruporu olan Osmanqızı TV-ni Azərbaycanın milli maraqlarına qarşı “səfərbər” etmiş “filankəs o-qızı” indi də Türkiyə-Azərbaycan müttəfiqliyinə dil uzadır.

Birmənalı şəkildə faktdır ki, bu gün Azərbaycan-Türkiyə münasibətlərini pozmağa xidmət edən hər bir söz, hər bir “atmaca” birbaşa erməni mənafeyinə, Ermənistana xidmət edir. Bu şəxsin özünün efirindən apardığı təbliğat da elə erməni təbliğatının tərkib hissəsidir - Azərbaycana xəyanətdir. Əslində, onun apardığı “təbliğatın” istiqaməti bəllidir - “filankəs” və onun kimi erməni pulu ilə danışanlar regionun müstəqil və hərtərəfli inkişaf perspektivini görür, dərk edir. Aparılan təxribatyönlü bu kimi kampaniyalar isə ümumi işə xələl vurmaq mahiyyəti daşıyır - xüsusilə, Türk Dövlətləri Təşkilatının gələcəyi ilə bağlı səsləndirilən əsaslı fikirlər, proqramxarakterli bəyanatlar, növbəti Zirvə görüşünün Şuşada keçirilməsi kimi faktorlar “filankəs” və onu maliyyələşdirən dairələri “hərəkətə” keçirir.

Bəli, bir daha təsdiq olunur ki, illərdir erməni lobbisindən maliyyələşənlərin məqsədi Azərbaycanın milli maraqlarına qarşı “cəbhə” almaqla yanaşı, regiondakı vəziyyəti ermənipərəst dairələrin nəzarətinə sürükləmək arzusudur. Buna nail ola bilmədikləri halda isə böhtana, şərə və yalana üstünlük verirlər. Elə “filankəs o-qızı” kimi...

MƏNSUR

Paylaş:

Baxılıb: 488 dəfə