Müqəddəs kitablara qarşı cinayət

Bakı:

26 °C

52 %

2 m/s

Əlaqə

AZ RU EN

Ana səhifə / Analitik / Müqəddəs kitablara qarşı cinayət

Müqəddəs kitablara qarşı cinayət

27.07.2023 [11:40]

Beynəlxalq hüququn pozulması səviyyəsində

Günel ABBASOVA

Azərbaycanda dövlət-din münasibətlərinin yüksək səviyyəsi və ölkəmizdə hökm sürən dinlərarası harmoniya, məzhəblərarası anlaşma mühiti mövcuddur. Azərbaycan 44 günlük Vətən müharibəsindən sonra Qarabağda və Şərqi Zəngəzurda həyata keçirdiyi geniş bərpa-yenidənqurma işləri çərçivəsində erməni vandalizminə məruz qalmış dini-mənəvi abidələrimizi böyük diqqət və qayğı ilə bərpa etməkdədir. Bu mənada Azərbaycanın malik olduğu multikultural, tolerant cəmiyyət təcrübəsi nəinki müsəlman, bütün digər dünya ölkələri üçün olduqca böyük önəm kəsb edir.

Bütün dini platformalarda dinlərin müqəddəs rəmzlərinə ehtiramlı münasibətin zəruriliyini, dindən siyasi məqsədlər üçün sui-istifadənin qətiyyən yolverilməz olduğu vurğulanır. Buna baxmayaraq Avropa ölkələrində islamofobiya hallarının, o cümlədən, bəzi dövlətlərdə Quranın yandırılması kimi aksiyaların təşkilinin sivilizasiyalararası dialoq prosesinə xələl gətirir. Düzdür, Qərb bu halların yaşanmasına o dərəcədə güclü reaksiyalar vermir. Ancaq hərhalda Avropada Quran yandırılması halları təkcə müsəlmanların deyil, Avropa cəmiyyətlərinin özlərinin narahatlıq yaşamalı olduqları bir məqamdır.

BMT-nin bəyanatı

Beynəlxalq təşkilatların hadisəyə reaksiyası gecikmədi. Belə ki, ötən gün Birləşmiş Millətlər Təşkilatının Baş Assambleyası dinlərarası dialoqu təşviq etmək üçün qətnamə qəbul edib. BMT Baş Assambleyası Mərakeş tərəfindən təqdim edilən dini inancları səbəbindən şəxslərə və müqəddəs kitablar ilə dini məkanlara yönəldilmiş hər növ zorakılığı beynəlxalq hüququn pozulması hesab edən qərar qətnaməni yekdilliklə qəbul edib. Bildirib ki, qətnamədə müqəddəs kitablara qarşı hər hansı bir təhqir qəti şəkildə pislənilir və beynəlxalq hüququn pozulması hesab olunur.

Dialoqu təşviq etmək və nifrət nitqinə qarşı mübarizə məqsədi daşıyan sənəddə BMT ölkələrinin insanlara qarşı dini zəmində hücumları, habelə onların dini simvollarına, müqəddəs kitablarına, evlərinə, bizneslərinə, əmlaklarına, məktəblərə, mədəniyyət mərkəzlərinə qarşı yönəlmiş analoji hərəkətləri beynəlxalq hüquq normalarını pozaraq kəskin şəkildə pislədiyi ifadəsi yer alıb.

Ümumiyyətlə BMT-nin Quranla bağlı məsələlərə reaksiyası hər zaman nəzərə çarpıb. İki il əvvəl Birləşmiş Millətlə Təşkilatının (BMT) baş katibi Antoniu Quterreş Pakistanda keçirilən “Pakistanda əfqan qaçqınların 40-cı ili: həmrəylik üçün yeni əməkdaşlıq” konfransında öz çıxışı zamanı müqəddəs Quran kitabından nümunə vermişdi. Bu ifadəsi ilə o, quranın tolerantlıq, hümanizm nümunəsi olduğunu diqqətə çatdırmışdı.

“İslamın səsi”

Quranın yandırılması bir çox müsəlman ölkələrində, o cümlədən İraqda hiddət doğurub, həmçinin digər qeyri-müsəlman dövlətləri tərəfindən qınanılıb. Müqəddəs kitab - Quranın yandırılmasına İslam dünyası özünün etiraz səsini ucaldır. Ötən gün verilən məlumata görə, İslam Əməkdaşlıq Təşkilatı Quranın təhqir olunması ilə əlaqədar fövqəladə iclas keçirəcək. Bildirilir ki, İran və İraqın təklifi ilə İslam Əməkdaşlıq Təşkilatının İsveç və Danimarkada Qurana qarşı edilən təhqirlərlə əlaqədar bazar ertəsi fövqəladə iclas keçirəcək.

İranın xarici işlər naziri Hüseyn Əmir Abdullahiyan məsələ ilə bağlı İslam Əməkdaşlıq Təşkilatına üzv ölkələrin xarici işlər nazirləri ilə danışıqlar aparıb. İslam Əməkdaşlıq Təşkilatına rəsmi iclas üçün sorğu göndərilib. Qurana qarşı təhqirlər səbəbindən bu növbədənkənar iclasın bazar ertəsi onlayn keçirilməsinə qərar verilib.

Xatırladaq ki, daha əvvəl də Qurana qarşı təhqirlərə səhnə olan İsveçdə, son olaraq Stokholmda İraq əsilli Salvan Momika 28 iyun Qurban bayramının ilk günü Stokholm məscidinin qarşısında polisin nəzarətində Qurani-Kərimi yandırıb.

Momika iyulun 20-də də İraqın Stokholmdakı səfirliyinin qarşısında polisin mühafizəsi altında Quranı və İraq bayrağını təhqir edib.

Danimarkada isə iyulun 22-də İraqın Kopenhagendəki səfirliyi qarşısında Quran yandıran qrup, iyulun 24-də növbə ilə İran və İraq səfirlikləri qarşısında Quranı yandırıb.

Qrup daha əvvəl Türkiyənin Kopenhagendəki səfirliyi qarşısında Türk bayrağına və Qurana hücum edərək İslamı təhqir edib.

Danimarkada İslam əleyhdarı və ifrat millətçi “Danske Patrioter (Danimarka Patriotları)” qruplaşmasının üzvləri iyulun 25-də Misirin, daha sonra Türkiy?nin Kopenhagendəki səfirliyinin qarşısında Quranı yandırıblar.

Paylaş:

Baxılıb: 780 dəfə