YAP Sabunçu rayon təşkilatı inşa müsabiqəsinin qaliblərini mükafatlandırıb

Bakı:

22 °C

75 %

4 m/s

Əlaqə

AZ RU EN

Ana səhifə / Arxiv / YAP Sabunçu rayon təşkilatı inşa müsabiqəsinin qaliblərini mükafatlandırıb

YAP Sabunçu rayon təşkilatı inşa müsabiqəsinin qaliblərini mükafatlandırıb

08.05.2026 [17:03]

“Şəhərsalma və Memarlıq İli” çərçivəsində Ümummilli Lider Heydər Əliyevin anadan olmasının 103-cü ildönümü münasibətilə Yeni Azərbaycan Partiyası (YAP) Sabunçu rayon təşkilatının təşkilatçılığı ilə Sabunçu rayonu ümumtəhsil məktəblərinin X və XI sinif şagirdləri arasında keçirilən “Müasir Şəhərsalma və Heydər Əliyev irsi” mövzusunda inşa müsabiqəsinin qalibləri mükafatlandırılıb.

Tədbiri giriş sözü ilə açan YAP Sabunçu rayon təşkilatının sədri Araz Xudadanov Prezident İlham Əliyevin 2026-cı ili “Şəhərsalma və Memarlıq ili” elan etməsinin vacibliyindən danışıb. O, çıxışında Ümummilli Lider Heydər Əliyevin hakimiyyəti illərini Azərbaycan şəhərsalmasının intibah dövrü adlandırıb, bu siyasi kursun Prezident İlham Əliyev tərəfindən müasir çağırışlara uyğun davam etdirildiyini, Qarabağda “ağıllı şəhər” konsepsiyası əsasında aparılan quruculuq işlərinin buna əyani sübut olduğunu bildirib. Vurğulanıb ki, bu təşəbbüs ölkəmizdə şəhərsalma siyasətinin daha da təkmilləşdirilməsinə, milli memarlıq irsinin qorunmasına və müasir memarlıq meyillərinin inkişafına mühüm töhfə verir.

Çıxış edən 255 nömrəli tam orta ümumtəhsil məktəbin direktoru, ərazi partiya təşkilatının sədri Mətanət Məmmədova, İlqar Əliyev adına 96 nömrəli tam orta ümumtəhsil məktəbin direktoru, ərazi partiya təşkilatının sədri Mehriban Hacıyeva və digərləri bildiriblər ki, bu cür müsabiqələr şagirdlərin Ulu Öndər Heydər Əliyevin həyatı, fəaliyyəti və siyasi irsi barədə biliklərini artırır, onların analitik yazı bacarıqlarını inkişaf etdirir, istedadlı və yaradıcı şagirdlərin üzə çıxarılmasına şərait yaradır.

Sabunçu rayonunun 49 ümumtəhsil məktəbləri üzrə 94 nəfər şagirdin iştirak etdiyi inşa müsabiqəsində birinci yerin qalibi İlqar Əliyev adına 96 nömrəli tam orta ümumtəhsil məktəbin XI sinif şagirdi İsmayılova Ayan Elsevər qızı, ikinci yerin qalibi 307 nömrəli tam orta ümumtəhsil məktəbin X sinif şagirdi Jafarova Aysu Şahbaz qızı, üçüncü yerin qalibi isə 215 nömrəli tam orta ümumtəhsil məktəbin X sinif şagirdi Abbasadə Səbinə Aslan qızı olublar.

Eynulla Ağayev adına 198 nömrəli tam orta ümumtəhsil məktəbin X sinif şagirdi Məsiyarlı Miribrahim Aqil oğlu və 255 nömrəli tam orta ümumtəhsil məktəbin X sinif şagirdi Quluzadə Kərim Bəxtiyar oğlu isə müsabiqədə fərqləndiklərinə görə təltif olunublar.

Qaliblərə diplom və hədiyyələr təqdim olunub.

Paylaş:

Baxılıb: 231 dəfə