YAP Kəngərli rayon təşkilatında VIII Qurultayın müəyyən etdiyi yeni hədəflər və fəaliyyət istiqamətləri müzakirə olunub

Bakı:

19 °C

88 %

0 m/s

AZ RU EN

Ana səhifə / Arxiv / YAP Kəngərli rayon təşkilatında VIII Qurultayın müəyyən etdiyi yeni hədəflər və fəaliyyət istiqamətləri müzakirə olunub

YAP Kəngərli rayon təşkilatında VIII Qurultayın müəyyən etdiyi yeni hədəflər və fəaliyyət istiqamətləri müzakirə olunub

21.10.2026 [15:16]

Azərbaycan Respublikasının Prezidenti, Yeni Azərbaycan Partiyasının sədri cənab İlham Əliyevin YAP-ın VIII Qurultayındakı nitqindən irəli gələn məsələlərlə bağlı YAP Kəngərli rayon təşkilatının Qarabağlar kənd ərazi partiya təşkilatında tədbir keçirilib.

Tədbirdə əvvəlcə Ümummilli Lider Heydər Əliyevin və Azərbaycanın müstəqilliyi, ərazi bütövlüyü və suverenliyi uğrunda canlarından keçmiş şəhidlərin əziz xatirəsi bir dəqiqəlik sükutla yad edilib, Azərbaycan Respublikasının Dövlət Himni səsləndirilib.

Tədbirin mövzusu YAP-ın VIII Qurultayında müəyyənləşdirilən yeni fəaliyyət istiqamətləri, partiyanın cəmiyyət qarşısında məsuliyyəti və qəbul olunmuş qərarların yerli təşkilatların fəaliyyətində tətbiqi olub.

YAP Kəngərli rayon təşkilatının sədri Sevda Quluyeva çıxışında vurğulayıb ki, Yeni Azərbaycan Partiyasının gücü onun zəngin siyasi təcrübəsi, möhkəm ideoloji dayaqları və xalqla qurduğu etimada əsaslanan münasibətlərindədir. Cənab Prezident İlham Əliyevin VIII Qurultaydakı nitqi Azərbaycanın yeni inkişaf mərhələsində qarşıda duran əsas vəzifələri müəyyənləşdirən mühüm çıxışdır. O bildirib ki, müasir dövr partiya təşkilatlarından dəyişən çağırışları düzgün qiymətləndirməyi, yeni təşəbbüslərlə çıxış etməyi və cəmiyyətin inkişafına real töhfə verməyi tələb edir. Sədrin sözlərinə görə, VIII Qurultay partiya fəaliyyətinin daha çevik və məqsədyönlü qurulması üçün mühüm istiqamətlər müəyyənləşdirib. “Qarşımızda duran əsas vəzifə əldə olunmuş nailiyyətlərlə kifayətlənmək deyil, bu uğurları yeni təşəbbüslər və məsuliyyətli fəaliyyətlə davam etdirməkdir. Hər bir üzv partiyanın ideyalarını yalnız sözlə deyil, gördüyü işlərlə təmsil etməlidir”, – deyə Sevda Quluyeva qeyd edib.

Digər çıxış edənlər isə partiya fəaliyyətinin səmərəliliyinin artırılmasında maarifləndirmə işinin, vətəndaşlarla müntəzəm əlaqələrin və ictimai təşəbbüslərin əhəmiyyətindən danışıblar. Təhsil sahəsində çalışan partiya üzvlərinin gənclərdə müstəqil düşüncə, milli özünüdərk və vətənə bağlılıq hisslərinin formalaşmasına verdiyi töhfələr qeyd olunub. Yerli təşkilatların fəaliyyətində yenilikçi yanaşmaların və kollektiv məsuliyyətin vacibliyi diqqətə çatdırılıb.

Tədbirdə qurultaydan irəli gələn vəzifələrin həyata keçirilməsi və yerli təşkilatların fəaliyyətinin daha da səmərəli təşkili ilə bağlı fikir mübadiləsi aparılıb.

Sonda Yeni Azərbaycan Partiyasının Himni səsləndirilib.

Paylaş:

Baxılıb: 148 dəfə

Xəbər lenti

Hamısına bax