Heydər Əliyev
yeni azerbaycan logo

Ana səhifə / Daxili siyasət / Azərbaycanda güclü mətbuat formalaşıb

Azərbaycanda güclü mətbuat formalaşıb

23.07.2014 [09:30]

22 iyul - Milli Mətbuat Günü münasibətilə Nərimanov rayon İcra Hakimiyyətində bir qrup jurnalistlə görüş keçirilib.
AzərTAc xəbər verir ki, tədbirdə Nərimanov rayonunun ictimai-mədəni, sosial-iqtisadi tədbirlərini mütəmadi işıqlandıran televiziya kanallarının, qəzetlərin və informasiya agentliklərinin nümayəndələri iştirak ediblər.
Rayon icra hakimiyyəti başçısının birinci müavini Şahmar İbadov görüşdə Azərbaycan mətbuatının keçdiyi inkişaf tarixindən danışıb. Bildirib ki, ötən illər ərzində Azərbaycan milli mətbuatı özünəməxsus ənənələr yaradıb, xalqımıza görkəmli jurnalist nəsli yetişdirib. Bu gün artıq Azərbaycanın dünyanın müxtəlif ölkələrinin mediası ilə rəqabət aparmaq qabiliyyətinə malik olan güclü mətbuatı formalaşıb.
Vurğulanıb ki, Ulu öndər Heydər Əliyev senzuranı ləğv etməklə Azərbaycanın müstəqil mediasında azad sözün, siyasi plüralizmin dairəsini genişləndirdi. Ulu öndərin siyasi xəttini uğurla davam etdirən Prezident İlham Əliyev də mətbuatın inkişafını daim diqqət mərkəzində saxlayır, ölkəmizdə bununla bağlı mühüm addımlar atılır.
Tədbirdə iştirak edən media təmsilçiləri ölkə rəhbərinin mətbuata göstərdiyi diqqət və qayğıdan danışaraq deyiblər ki, dövlətimizin başçısı jurnalistlərin sosial-iqtisadi, mənzil-məişət problemlərinin həlli istiqamətində mütəmadi olaraq tapşırıq və göstərişlərini verir. Ötən il Milli Mətbuat Günü ərəfəsində jurnalistlər üçün 156 mənzilli binanın istifadəyə verilməsi bunun bariz nümunəsidir.
Sonda jurnalistlərə mükafatlar təqdim olunub.

Paylaş:
Baxılıb: 1164 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30