Nikol Paşinyan çıxılmaz vəziyyətdə: etirazlar şiddətlənir

Bakı:

14 °C

82 %

7 m/s

Əlaqə

AZ RU EN

Ana səhifə / Dünya / Nikol Paşinyan çıxılmaz vəziyyətdə: etirazlar şiddətlənir

Nikol Paşinyan çıxılmaz vəziyyətdə: etirazlar şiddətlənir

27.12.2019 [10:07]

Ermənistan mətbuatı yazır ki, bu ölkənin baş naziri Nikol Paşinyan çıxılmaz vəziyyətdədir, ona qarşı etirazlar şiddətlənir. N.Paşinyan verdiyi heç bir vədi yerinə yetirmədiyi barədə səslənən ittihamları ört-basdır etmək üçün isə Ermənistanda həbslərin və təzyiqlərin yeni dalğasına start verib. “News.am” yazır ki, bir neçə gün öncə “5-ci kanal”ın sahibi Armen Tavadyan həsb olunub. Yerli ekspertlər son günlər tərəfdarlarının aktivləşməsi müşahidə edilən eks-prezident R.Koçaryana yaxınlığı ilə seçilən televiziya rəhbərinin həbsini sabiq prezidentin təbliği ilə məşğul olan media ruporlarının sıradan çıxarılması kimi qiymətləndirirlər. Təsadüfi deyil ki, bu günlərdə N.Paşinyan ölkə mediasının onun hökumətinə çoxsaylı problem yaratdığını dilə gətirib.
Sayt xatırladır ki, dekabrın 25-də R.Koçaryanın tərəfdarlarının Yerevanda xüsusi toplantısı keçirilib. Oğlu Levonun tədbir iştirakçılarına oxuduğu müraciətdə R.Koçaryanın “siyasi mübarizənin yeni mərhələsinin başlanması”nı elan etməsi Paşinyan hakimiyyəti üçün artıq ciddi siqnal hesab olunur.
Bunlarla yanaşı, “Aysor.am”ın xəbərinə görə, müharibədə ölən hərbçilərin anaları “Yerablur” hərbi qəbiristanlığında etiraz aksiyası keçiriblər. Onların əsas tələbi hökumətin 1-2 mart hadisələri zamanı öldürülən şəxslərin ailələrinə 30 milyon dram məbləğində birdəfəlik ödəmə ayrılması qərarının bütün ölən hərbçilərin ailələrinə şamil olunmasıdır.
Son dövrlərdə siyasi fəallıq nümayiş etdirən millətçi “Daşnaksutyun” partiyası isə hüquq-mühafizə orqanlarından narazılığını dilə gətirib. Təşkilatın gənclər birliyi Yerevan Dövlət Universitetinin tələbə şurasının sədri David Apoyana qarşı polisin güc tətbiqini pisləyən bəyanat yayıb. Bəyanatda qeyd edilir ki, bu hərəkətlər tələbə və gənclər arasında qorxu ab-havası yaratmaq məqsədi daşıyır, cəmiyyətdə hakimiyyətin siyasətinə və fəaliyyətinə qarşı artan narazılığın qarşısını almaq cəhdidir.
Dünənə qədər N.Paşinyanı dəstəkləyən şovinist terror təşkilatının əsasında yaradılan “Sasna tsrer” ümumerməni partiyasının katibliyi də Ermənistan baş nazirinin Dağlıq Qarabağ münaqişəsinin həlli məsələsində mövqeyini tənqid edən açıqlama yayıb. “Epress.am” saytı yazır ki, partiya rəhbərliyinin narahatlığı təhlükəsizlik şurasının dekabrın 23-də keçirilən iclasında aparılan müzakirələr və N.Paşinyanın səsləndirdiyi ifadələrdən yaranıb: “Gah Qarabağı Ermənistan hesab edən, gah da onun adından danışmaq hüququ olmadığını bəyan edən N.Paşinyanın şuranın iclasında keçmiş müdafiə naziri Seyran Ohanyanın kadrı, bədnam general Samvel Karapetyanla məsələni müzakirə etməsi göstərir ki, N.Paşinyan “ziddiyyətlər bataqlığı”na qərq olub”.
“lenta.ru” saytında yer alan “Məxməri qətiyyətsizlər” sərlövhəli araşdırma yazısında isə N.Paşinyanın hakimiyyətə gəldiyi dövrdən 1 il yarım keçməsinə baxmayaraq, müsbət yöndə heç bir iş görmədiyi, ictimai, siyasi və sosial sahədə narazılıqların məhz bu səbəblərdən qaynaqlandığı qeyd olunur.

Paylaş:

Baxılıb: 850 dəfə