Heydər Əliyev
yeni azerbaycan logo

Ana səhifə / Elm / Polşanın səfiri Bilik Fondunun qonağı oldu

Polşanın səfiri Bilik Fondunun qonağı oldu

16.10.2015 [10:45]

Polşanın ölkəmizdəki səfiri Marek Calka Azərbaycan Respublikasının Prezidenti yanında Bilik Fondunda olub.
Bilik Fondundan AZƏRTAC-a bildiriblər ki, görüşlə Fondun icraçı direktoru Oqtay Səmədov Polşa ilə Azərbaycan arasındakı dostluq əlaqələrindən, iki ölkə arasında müxtəlif sahələrdə əməkdaşlığın yüksələn xətlə inkişafından söhbət açıb. Azərbaycanın müstəqilliyini birincilər sırasında tanıyan dövlətlərdən birinin də Polşa olduğunu vurğulayan O.Səmədov 1997-ci ildə Ümummilli lider Heydər Əliyevin Polşaya ilk səfəri zamanı iki ölkə arasında bir çox sahələrdə əməkdaşlığa zəmin yaradan müqavilələrin imzalandığını xatırladıb. O.Səmədov rəhbərlik etdiyi Fondun həyata keçirdiyi müxtəlif layihələr barədə səfirə məlumat verib, maarifçiliyin cəmiyyətin inkişafına təkan verdiyini vurğulayıb.
Marek Calka Bilik Fondunda görüşdən məmnunluğunu ifadə edərək ölkələrimiz arasında əməkdaşlığın 500 ildən artıq tarixə malik olduğunu bildirib. Fondun gördüyü işləri maarifçilik istiqamətində mütərəqqi addım kimi dəyərləndirən səfir “Qardaşlaşmış məktəblər”, “Docendo discimus”, “Dünya elmi Azərbaycanda”, “Azərbaycan elmi dünyada” layihələrinə xüsusi maraq göstərib. O, Polşa məktəblilərinin azərbaycanlı şagirdlərlə Qardaşlaşma Sazişi imzalamasını arzuladığını dilə gətirib. M.Calka onu da qeyd edib ki, Polşanın nüfuzlu universitetləri ilə Azərbaycanın təhsil ocaqları arasında alimlərin mübadiləsi, qarşılıqlı ustad dərslərinin təşkili hər iki tərəf üçün uğurlu nəticələr əldə etməyə imkan yaradacaq.

Paylaş:
Baxılıb: 1528 dəfə

Xəbər lenti

Hamısına bax

Xəbər lenti

YAP xəbərləri

MEDİA

Siyasət

Gündəm

İqtisadiyyat

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30