Heydər Əliyev
yeni azerbaycan logo

Ana səhifə / Elm / ADPU-da “Elm günü”nə həsr edilmiş tədbir

ADPU-da “Elm günü”nə həsr edilmiş tədbir

28.03.2019 [09:37]

Azərbaycan Prezidenti İlham Əliyevin 2018-ci il 9 aprel tarixli Sərəncamı ilə martın 27-si Azərbaycanda “Elm günü” kimi qeyd olunur. Bu tarix ölkə üçün əlamətdar bir vaxta - AMEA-nın təsis olunduğu günə təsadüf etdiyi üçün xüsusi əhəmiyyət daşıyır.
AZƏRTAC xəbər verir ki, martın 27-də Azərbaycan Dövlət Pedaqoji Universitetində (ADPU) filologiya fakültəsinin təşəbbüsü və təşkilatçılığı ilə “Elm günü”nə həsr edilmiş tədbir və kitab sərgisi keçirilib.
Əvvəlcə tədbir iştirakçıları kitab sərgisi ilə tanış olublar. Sərgidə filologiya fakültəsinin professor və müəllimlərinin, digər elm və təhsil müəssisələri alimlərinin müxtəlif kitabları, monoqrafiyaları, dərslik və dərs vəsaitləri nümayiş etdirilib.
Filologiya fakültəsinin dekanı, professor Mahirə Hüseynova ölkəmizdə “Elm günü”nün geniş qeyd olunmasının əhəmiyyətindən danışıb və əlamətdar gün münasibətilə silsilə tədbirlərin keçirildiyini bildirib. Prezident İlham Əliyevin elmə, təhsilə xüsusi önəm verdiyini vurğulayan dekan qeyd edib ki, ölkəmizdə bu sahənin inkişafı üçün çox geniş imkanlar yaradılıb.
ADPU-nun inkişaf mərhələləri və fəaliyyətindən bəhs edən professor Mahirə Hüseynova universitet alimlərinin, məzunlarının elmə böyük töhfələr verdiyini diqqətə çatdırıb.
Sonra professor və müəllimlər, tələbələr kitabın, mütaliənin təbliği məqsədilə Qız qalasına doğru yürüş ediblər. Onlar yürüş zamanı şəhər sakinlərinə və əcnəbi qonaqlara kitablar bağışlayıblar.

Paylaş:
Baxılıb: 1345 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Gündəm

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30