Heydər Əliyev
yeni azerbaycan logo

Ana səhifə / Gündəm / “Qusar-1” kiçik su elektrik stansiyası istismara verilib

“Qusar-1” kiçik su elektrik stansiyası istismara verilib

21.12.2012 [03:22]

Azərbaycan Respublikasının Prezidenti İlham Əliyev dünən Qusar rayonuna səfərə gəlib. Dövlətimizin başçısı və xanımı Mehriban Əliyeva Şahdağ qış-yay turizm kompleksinə daxil olan infrastruktur obyektlərinin açılışında iştirak ediblər.
Əvvəlcə “Qusar-1” kiçik su elektrik stansiyasının açılışı olub.
“Azərenerji” ASC-nin prezidenti Etibar Pirverdiyev dövlətimizin başçısı İlham Əliyevə məlumat verib ki, Urva kəndi yaxınlığındakı Cağar derivasiya tipli kanal üzərində inşa olunan xüsusi hovuzdan götürülən su borular vasitəsilə stansiyaya ötürülür. Müasir avadanlıqla təchiz olunan stansiya tam kompyuterləşdirilib və texnoloji proses avtomatlaşdırılmış şəkildə həyata keçirilir. Bu məqsədlə binada ayrıca idarəetmə mərkəzi yaradılıb. Mərkəz həm elektrik enerjisinin alınması prosesini həyata keçirir, həm də baş verə biləcək nasazlıqları əvvəlcədən qeydə alaraq müvafiq tədbirlərin görülməsi üçün xəbərdarlıq edir.
Dövlətimizin başçısı idarəetmə mərkəzindən stansiyanı işə salıb.
Qeyd olunub ki, təməli Prezident İlham Əliyevin 2010-cu ilin avqustunda Qusara səfəri zamanı qoyulan su elektrik stansiyasında ümumi gücü bir meqavat olan üç hidroturbin və hidrogenerator quraşdırılıb. Ərazidə 10 kilovoltluq yarımstansiya və elektrik verilişi xətləri qurulub. Stansiya ildə 5 milyon kilovat/saat elektrik enerjisi istehsal etmək imkanına malikdir.
Bildirilib ki, Azərbaycan Prezidentinin 2009-cu ilin noyabrında imzaladığı Sərəncamla kiçik su elektrik stansiyalarının ölkəmizdə geniş tətbiq olunması məqsədilə “Azərenerji” ASC-yə xüsusi proqramların hazırlanması tapşırılıb. Mütəxəssislərin apardığı araşdırmalar təsdiqləyib ki, müxtəlif bölgələrdə dağ çayları və suvarma kanalları üzərində yüzlərlə kiçik su elektrik stansiyasının tikintisini həyata keçirmək mümkündür. Bu tipli su elektrik stansiyaları bir tərəfdən elektrik enerjisinin istehsalında yanacağa qənaət edilməsinə, digər tərəfdən isə ətraf mühitin sağlamlaşdırılmasına imkan verir. Həmin enerji qurğularından biri də Şahdağ qış-yay turizm kompleksini elektrik enerjisi ilə təmin edəcək “Qusar-1” kiçik su elektrik stansiyasıdır.
“Azenko” şirkəti tərəfindən tikilən su elektrik stansiyasının ərazisində geniş abadlıq işləri görülüb, yaşıllıq zolağı salınıb.

Paylaş:
Baxılıb: 1108 dəfə

Xəbər lenti

Hamısına bax

MEDİA

YAP xəbərləri

İqtisadiyyat

Siyasət

Siyasət

Mədəniyyət

MEDİA

Analitik

Ədəbiyyat

Sosial

İqtisadiyyat

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30