"Ekologiya ili" uğurlarla yadda qaldı

Bakı:

24 °C

56 %

0 m/s

Əlaqə

AZ RU EN

Ana səhifə / Gündəm / "Ekologiya ili" uğurlarla yadda qaldı

"Ekologiya ili" uğurlarla yadda qaldı

28.12.2010 [08:47]

Başa çatan ilin son günlərində üzərində peyk vasitəsilə məlumat toplayan və xüsusi siqnalötürücü xaltası olan ceyran Qobustan-Cəngiçay ərazisinə buraxılıb
ölkəmizdə “Ekologiya ili” başa çatır. Bu il start verilən, yaxud da uğurla davam etdirilən böyük layihələrlə yadda qaldı. Eyni zamanda, ilə bir mühüm ekoloji hadisə ilə yekun vuruldu. Belə ki, dekabrın 24-də Prezident İlham Əliyev və xanımı Mehriban Əliyeva Abşeron rayonunun Pirəkəşkül qəsəbəsinin yaxınlığında Qobustan-Cəngiçay Dövlət Təbiət Yasaqlığının ərazisinə ilk ceyran sürüsünün buraxılması prosesini izləyiblər.
Prezident və xanımı “Azərbaycan Respublikası ərazisində ceyranların mühafizəsi, reintroduksiyası və tarixi areallarının yenidən bərpası” layihəsi çərçivəsində üzərində peyk vasitəsilə məlumat toplayan və xüsusi siqnalötürücü xaltası olan ceyranı Qobustan-Cəngiçay ərazisinə buraxıblar.
Qeyd edək ki, sözügedən layihə Heydər Əliyev Fondunun dəstəyi ilə icra olunur. Ekologiyanın və təbii mühitin tarazlığının qorunmasında, ekoloji tarixin və ölkə ərazisindəki bioloji müxtəlifliyin mühafizəsində müstəsna əhəmiyyət daşıyan bu dəstəyin nəticəsi olaraq Abşeron rayonunun Pirəkəşkül ərazisində ceyranların sayı artırılacaq.
Məlumat üçün bildirək ki, 2010-2011-ci illəri əhatə edən “Azərbaycan Respublikası ərazisində ceyranların mühafizəsi, reintroduksiyası və tarixi areallarının yenidən bərpası” layihəsi Acınohur-Sarıca düzləri, Bozdağ silsiləsi, Mil düzü və Qobustan-Cəngiçay ərazilərini əhatə edir. Layihəyə əsasən, həmin sahələrə daha çox ceyran köçürülməsi məqsədilə Şirvan Milli Parkından bu areallara ceyranlar gətirilir. Qobustan-Cəngiçay ərazisi ceyranların yaşaması üçün həm də zəngin bitki örtüyünə malikdir.
Məsələyə münasibət bildirən Ekologiya və Təbii Sərvətlər Nazirliyinin (ETSN) mətbuat xidmətinin rəhbəri İradə İbrahimovanın sözlərinə görə, “Azərbaycan Respublikası ərazisində ceyranların mühafizəsinin reintroduksiyası və tarixi areallarının yenidən bərpası” layihəsinə əsasən, Qobustan-Cəngiçay ərazisi ilə yanaşı, Şirvan Milli Parkında da müvafiq işlər görülür. 65 min hektardan artıq ərazisi olan parkda ceyranların sayı 9 min başa qədərdir. Bu da Pan-Avropa məkanında ən böyük ceyran populyasiyasıdır. Ağcabədi və Beyləqan rayonlarının ərazilərində yerləşən Ağgöl Milli Parkında da ceyranların reintroduksiyası uğurla davam etdirilir. Həmçinin, Goranboy rayonundakı Korçay Dövlət Təbiət Qoruğunda, Qax rayonundakı Acınohur və Sarıca düzlərində də 2010-cu ildən etibarən ceyranların məskunlaşdırılması prosesinə başlanılıb.
Qeyd edək ki, Qobustan-Cəngiçay ərazisi də ceyranların tarixi areallarından biri sayılır və layihəyə əsasən, buraya 150-dək ceyranın köçürülməsi nəzərdə tutulur. ümumilikdə, layihə çərçivəsində mövcud problemlərin öyrənilməsi və aradan qaldırılması, quraq ərazilərdə su təminatı və yem tələbatının ödənilməsi, ceyran populyasiyasının mühafizəsinin gücləndirilməsi məqsədilə çevik antibrokonyer qrupların yaradılması və zəruri avadanlıqlarla (motosikllər, atlar, simsiz rabitə vasitələri və s.) təchiz edilməsi üçün intensiv işlər görülüb. Ceyranların tutulması üçün Almaniya istehsalı olan ən müasir keyidici silahlar, Almaniyada hazırlanmış peyk vasitəsilə məlumat toplayan və xüsusi siqnalötürücü xaltalar (analoqu olmayan bu cihazlar ceyranların yerdəyişməsini izləməyə, bədən temperaturunu, ürək döyüntüsünü və digər məlumatları almağa imkan yaradır) alınıb. Həmçinin, ceyranların təhlükəsizliyinin təmin olunması məqsədilə köçürülmə areallarına yaxın yerlərdəki qəsəbə və kəndlərin əhalisi arasında maarifləndirmə işləri aparılıb, yol kənarlarında, arealların yaxınlığında xüsusi informasiya lövhələri qoyulub. Lövhələrdə ceyran ovunun qadağan edilməsi barədə məlumatlar verilir.
Yeri gəlmişkən, yuxarıda adıçəkilən layihənin reallaşdırılması “Ekologiya ili”nin yekunlaşması ərəfəsinə təsadüf etsə də, bu istiqamətdə həyata keçirilən tədbirlərin yekunu sayılmır. çünki Prezident İlham Əliyev sözügedən istiqamətdə işlərin gələcəkdə də davam etdiriləcəyini deyib: “Biz “Ekologiya ili”nin elan edilməsi ilə bağlı bir məqsədi güdürdük ki, bu sahəyə həm ictimaiyyət, həm də dövlət qurumları tərəfindən diqqət daha da artsın və buna nail olduq. Biz bu gözəl təşəbbüsləri növbəti illərdə davam etdirməliyik”.
RUHİYYƏ

Paylaş:

Baxılıb: 1057 dəfə