2-ci Beynəlxalq Aqrar İnnovasiya Forumunda “Süni intellektin aqrar sahədə tətbiqi" mövzusunda konfrans keçirilib

Bakı:

17 °C

72 %

8 m/s

AZ RU EN

Ana səhifə / İqtisadiyyat / 2-ci Beynəlxalq Aqrar İnnovasiya Forumunda “Süni intellektin aqrar sahədə tətbiqi" mövzusunda konfrans keçirilib

2-ci Beynəlxalq Aqrar İnnovasiya Forumunda “Süni intellektin aqrar sahədə tətbiqi" mövzusunda konfrans keçirilib

14.05.2025 [20:46]

Bakıda XVIII Azərbaycan Beynəlxalq Kənd Təsərrüfatı - “Caspian Agro” sərgi çərçivəsində 2-ci Beynəlxalq Aqrar İnnovasiya Forumunda “Süni intellektin aqrar sahədə tətbiqi" mövzusunda konfrans keçirilib.

AZƏRTAC xəbər verir ki, ADNSU Rəqəmsal İnkişaf və İnnovasiya Mərkəzinin direktoru Anar Cəfərov gələn ildən başlayaraq Azərbaycan Beynəlxalq Kənd Təsərrüfatı ("Cas”pian Agro") va Azərbaycan Beynəlxalq Qida Sənayesi ("InterFood Azerbaijan”) sərgilərinin formatının dəyişdiriləcəyini bildirib.

“Sərgilər "Baku Agro Week" ("Bakı Kənd Təsərrüfatı Həftəsi) çərçivəsində təşkil olunacaq. “Bu daha çox sahibkar və kənd təsərrüfatı subyektlərinə əməkdaşlığa daha geniş imkanlar açacaq. Bakı Kənd Təsərrüfatı Həftəsi çərçivəsində bir sıra layihələr həyata keçiriləcək”, - deyə A.Cəfərov əlavə edib.

Azərbaycan Robototexnika və Mühəndislik Akademiyasının Əməliyyatlar üzrə baş meneceri Ziya İsmayılov bildirib ki, Azərbaycanda kənd təsərrüfatı sahəsində yerli istehsal olan süni intellekt əsaslı texnologiya kimi istifadə olunur.

“TİM İnternational” MMC-nin şöbə müdiri Attilio Somma deyib ki, Azərbaycanda aqroparklarda iri layihələr üçün süni intellektin tətbiqi yaxşı imkanlar yarada bilər.

“Süni intellekt alqoritmlərinin biznes planlaşdırması və büdcəyə nəzarət sahələrində tətbiqi məhsuldarlığın artırılmasına və xərclərin azaldılmasına mühüm töhfə verir. Süni intellekt bütün sahələrə təsir göstərsə də, onun digər texnologiyalarla birlikdə istifadəsi daha səmərəli nəticələr verir, çünki süni intellekt yalnız bir vasitədir”, - deyə A.Somma əlavə edib.

“Digital Umbrella” MM-nin İnnovasiya və Rəqəmsal inkişaf şöbəsinin rəhbəri Leyla Hacıyeva bildirib ki, kənd təsərrüfatında son illər süni intellektdən istifadə halları artmaqdadır. Süni intellekt sözugedən sektorla bağlı düzgün məlumatlar -proqnozlar verə bilir.

Sabah.Hub-ın nümayəndəsi Camal Hacıyev çıxışında qeyd edib ki, Azərbaycanın regionlarında kənd təsərrüfatının intensiv inkişafı iqtisadiyyatın diversifikasiyasının bir hissəsidir. Bura turizm, kənd təsərrüfatı, İT texnologiyaların inkişafı və s. daxildir. Azərbaycanda həm kənd təsərrüfatının inkişafına, həm də bu sahədə süni intellektin tətbiqinə çox böyük imkanlar var: “Bu imkanlara həm insan resursları, həm də bilik bazası və infrastruktur daxildir. Hazırda Sabah.Hub-da Azərbaycanın aqrar sahədə üç startapı ötən il ərzində 100 min manat həcmində investisiya əldə ediblər.

Paylaş:

Baxılıb: 385 dəfə