Auditorlar Palatası Avrasiya regionunun audit və mühasibatlıq qurumlarının işçi qrupunun iclasında təmsil olunub

Bakı:

11 °C

82 %

6 m/s

AZ RU EN

Ana səhifə / İqtisadiyyat / Auditorlar Palatası Avrasiya regionunun audit və mühasibatlıq qurumlarının işçi qrupunun iclasında təmsil olunub

Auditorlar Palatası Avrasiya regionunun audit və mühasibatlıq qurumlarının işçi qrupunun iclasında təmsil olunub

29.07.2020 [09:31]

İyulun 28-də Rusiyanın “Sodrujestvo” Özünütənzimləyən Auditor Təşkilatları Assosiasiyası tərəfindən videokonfrans formatında təşkil edilmiş “Avrasiya regionunun cinayət yolu ilə əldə edilmiş gəlirlərin yuyulmasına və kölgə iqtisadiyyatına qarşı mübarizədə müstəqil auditin rolunun artırılmasının əsas istiqamətlərinin işlənib hazırlanmasına dair peşəkar audit qurumlarının birgə səylərinin əlaqələndirilməsi üzrə İşçi qrupunun iclası” keçirilib.
Auditorlar Palatasının mətbuat xidmətindən AZƏRTAC-a bildirilib ki, işçi qrupunun iclasında palatanın sədri, professor Vahid Novruzov iştirak edib. İclasda Azərbaycanla yanaşı, Rusiya, Belarus, Moldova, Latviya, Qazaxıstan, Qırğızıstan, Özbəkistan və digər ölkələrin peşəkar audit və mühasibatlıq qurumlarının, Beynəlxalq Mühasiblər Federasiyasının nümayəndələri iştirak ediblər. İclasın keçirilməsində məqsəd auditə ictimai etimadın yüksəldilməsi, kölgə iqtisadiyyatına və çirkli pulların yuyulmasına qarşı mübarizədə müstəqil auditin rolunun artırılması, auditorların işinin səmərəliliyinin artırılması, audit xidmətlərinin keyfiyyətinə nəzarətin gücləndirilməsi məqsədilə Avrasiya regionu üzrə peşəkar audit və mühasibatlıq təşkilatlarının nümayəndələrindən ibarət yaradılmış işçi qruplarının səmərəli fəaliyyətinin təşkil edilməsi olub.
İclası giriş sözü ilə açan Latviya Mühasiblər Assosiasiyasının prezidenti Andrey Ponomaryov “Latviya Respublikasında çirkli pulların yuyulması, terrorçuluğun maliyyələşdirilməsi və yayılması risklərinin idarə edilməsi çərçivəsində daxili nəzarət sisteminin yaradılması və müştəri tədqiqatlarının aparılması” mövzusunda çıxış edib.
Auditorlar Palatasının sədri V.Novruzovun “Cinayət yolu ilə əldə edilmiş gəlirlərin yuyulmasına qarşı mübarizə üzrə normativ-metodoloji bazanın yaradılması üzrə Azərbaycan təcrübəsi” mövzusunda çıxışı konfrans iştirakçıları tərəfindən maraqla qarşılanıb. O, cinayət yolu ilə əldə edilən gəlirlərin leqallaşdırılmasına və kölgə iqtisadiyyatına qarşı mübarizədə son dövrlərdə ölkəmizdə əldə olunan nəticələrdən, bu sahədə auditorların vəzifələrindən və məsuliyyətindən, bu mübarizədə iştirak edən auditorların və mütəxəssislərin hazırlanması və yenidən hazırlanması, palata tərəfindən hazırlanmış “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” Azərbaycan Respublikası Qanununun auditorlar tərəfindən tətbiqinə dair metodik materiallar Toplusu”ndan bəhs edib. V.Novruzov, həmçinin ötən ilin sonunda palata tərəfindən “Kölgə iqtisadiyyatının azaldılmasına dair Strateji Yol Xəritəsi”nin hazırlandığını və ölkə rəhbərliyinə təqdim edildiyini vurğulayıb.
Daha sonra Rusiyanın Özünütənzimləyən auditorlar təşkilatı olan “Sodrujestvo” Assosiasiyasının Keyfiyyətə nəzarət üzrə direktoru Nadejda Kobozeva “Rusiya audit icmasının çirkli pulların yuyulmasına qarşı milli sistemə inteqrasiyası” mövzusunda çıxış edib. “Sodrujestvo” Assosiasiyasının Beynəlxalq Əlaqələr Komitəsinin üzvü Kuxar Daria və videokonfransın moderatoru, Latviya Mühasiblər Assosiasiyasının prezidenti Andrey Ponomarev təqdim edilmiş mövzular ətrafında çıxışlar ediblər.
Onlayn formada belə müzakirələrin daha tez-tez aparılması zərurəti, mövcud problemlərin həlli üçün təkliflər hazırlamaq məqsədilə yaradılmış müvafiq regional qrupların birgə fəaliyyətinin əhəmiyyəti konfrans iştirakçıları tərəfindən dəstəklənib.

Paylaş:

Baxılıb: 587 dəfə