Türk dünyasından mədəni birlik mesajı

Bakı:

21 °C

74 %

5 m/s

Əlaqə

AZ RU EN

Ana səhifə / Mədəniyyət / Türk dünyasından mədəni birlik mesajı

Türk dünyasından mədəni birlik mesajı

05.11.2022 [10:27]

Beynəlxalq “Qorqud Ata” festivalı Şuşada keçiriləcək

Ali Baş Komandan İlham Əliyevin rəhbərliyi ilə Azərbaycan Ordusunun qəhrəmanlığı sayəsində bu gün Şuşa azaddır. Artıq bu torpaqlara əbədi qayıdışın simvolu olaraq böyük və çoxşaxəli tədbirlərimiz həyata keçirilir. İstər beynəlxalq, istərsə də yerli təşkilatların Şuşada keçirilən tədbirlərə öz töhfəsini verməsi olduqca əhəmiyyətlidir.

Dövlətimizin başçısı da mütəmadi olaraq bu məsələlərlə bağlı fikirlər səsləndirir. O, həmişə bildirir ki, Şuşa Azərbaycanın mədəniyyət paytaxtıdır və burada yarıdağılmış tarixi abidələrimizin bərpasında çox həssas olmalı, tarixi abidələrimizin əsl simasını bərpa etməliyik. Vaxt itirmədən, eyni zamanda tələsmədən Şuşanın ilkin simasının, tarixi simasının bərpa edilməli olduğunu bildirən möhtərəm Prezident Şuşa şəhərini Azərbaycan mədəniyyətinin paytaxtı elan edərək demişdir: “Şuşa şəhəri buna layiqdir. Hesab edirəm ki, nəinki Azərbaycanın, bölgənin mədəni paytaxtı sayıla bilər. Şuşanın mədəni həyatı zəngin olmalıdır”. Bununla yanaşı, dövlət başçısı vaxtilə Vaqif poeziya günlərinin ənənəvi olaraq keçirildiyini vurğulayaraq diqqətə çatdırmışdı ki, Şuşada Vaqif poeziya və “Xarı bülbül” festivalları da bərpa edilməlidir. Bütün bu tezislər öz reallığını tapdı, Şuşa isə gündən-günə inkişaf etməkdədir.

Şuşada, həm də Türk dünyasının gücünü nümayiş etdirən layihələr də həyata keçirilir. Bu yolla həm də bir növ dünyaya birlik mesajı ötürülür. Həmin tədbirlərdən biri də gələn il Şuşada baş tutacaq beynəlxalq “Qorqud Ata” türk dünyası film festivalıdır.

Məlumata görə, festival çərçivəsində ortaq istehsal üçün zəmin yaratmaq, müsabiqə çərçivəsində yeni filmlərin mükafatlandırılmasını və türk respublikalarının nazirlərini bir araya gətirmək əsas məqsəddir.

Qeyd edək ki, Bursa şəhərində bu il ikinci dəfə 1-5 noyabr tarixlərində keçiriləcək “Korkut Ata Türk Dünyası Film Festivalı”na hazırlıqlar davam edir. Bursa Böyükşəhər Bələdiyyəsi də daxil olmaqla bir çox qurum və təşkilatların dəstəyi ilə Türkiyənin Mədəniyyət və Turizm Nazirliyinin himayəsi altında təşkil ediləcək festival türk respublikalarından və toplumlarından bir çox peşəkar kino xadimlərini və mədəniyyət xadimlərini bir araya gətirəcək.

Festivalda Azərbaycandan 22, Özbəkistandan 43, Qırğızıstandan 23, Qazaxıstandan 21, Türkmənistandan 5 və muxtar respublikalardan 17 kino mütəxəssisi iştirak edəcək. Festivalda türk kino sənayesinin tanınmış prodüserləri, rejissorları, ssenaristləri və aktyorlarından ibarət 200-ə yaxın qonaq iştirak edəcək.

Paylaş:

Baxılıb: 1600 dəfə