Heydər Əliyev
yeni azerbaycan logo

Ana səhifə / Mədəniyyət / Bu gün ayın üçüdür...

Bu gün ayın üçüdür...

03.04.2023 [13:56]

Müəllifsiz kimi təqdim edilən əsərin gerçək sahibi kimdir?

MÜŞFİQƏ

Bu gün ayın üçüdür,

De, gülüm, nanay nay naninay

Misraları oxuduqca sizdə də zümzümə etmək istəyi yarandı? Şeirin səsi var. Rəşid Behbudovun səsidir o səs. Bu mahnı görkəmli sənətkarın ifasında ən yüksək zirvəsinə ucaldı, yaddaşımızda əbədiləşdi. O qədər sevildi ki, hətta bir qisim insanlar məhz toylarını ayın üçünə təyin edib, bu mahnı ilə qol qaldırıb oynadılar. Mahnının yaratdığı müsbət enerji danılmazdır. Ürəklərdə asanlıqla yer tapmasına səbəb həm ritmik gücü, həm də sözlərindəki səmimiyyətdir:

Bu gün ayın üçüdür,

De, gülüm, nanay nay naninay,

Girmə, bostan içidir,

Yar, girmə, bostan içidir.

Dodaqların bal-şəkər (xam şəkər), hey!

Dilin badam içidir,

Yar, dilin badam içidir.

Görəsən, nə üçün məhz ayın üçü? Niyə təqvimin bu tarixinə mahnı yazılıb? Əfsuslar olsun ki, məşhur xalq mahnımız haqqında, demək olar ki, informasiya yoxdur. İnsana nikbinlik  və xoşbəxtlik aşılayan əsər internetdə müəllifsiz-anonim deyə təqdim edilir.

Araşdıranda məlum olur ki, sən demə, mahnının müəllifi də, yaranma tarixi də məlumdur. Belə ki, "Bu gün ayın üçüdür" kimi tanıdığımız mahnının digər adı "Qalalı" olub və XIX əsrin sonlarında yaranıb. Bu barədə musiqişünas Aygün Əliyeva qəzetimizə açıqlamasında deyib. Onun sözlərinə görə, əsər Şuşa qalasında yaranıb və daha sonra sorağı bütün elə-obaya yayılıb: “Müəllifsiz kimi təqdim olunan əsər Cabbar Qaryağdıoğluna məxsusdur. Hüseynqulu Sarabski isə mahnının ilk ifaçılarından olub. Hətta 1930-cu ilə aid lent yazısı da mövcuddur. Onu tarda Əsgər İsmayılov, dəfdə isə Sultan müşaiyət edib. Mahnının sözləri əslində “Qalalıyam, qalalı... de gülüm nanay, ay naninay” ilə başlayıb. Buna görə də digər adı “Qalalı” olub.

Araşdırdıqca bütün həqiqətlər gün üzünə çıxır. Mədəniyyətimiz torpağımız qədər müqəddəsdir. Damla-damla qanımıza hopan doğma və milli musiqimizi mütləq şəkildə qoruyub saxlamalı, gələcək nəsillərə çatdırmalıyıq. Bu işdə ən vacib öhdəlik isə hər birimizin üzərinə düşür.


Paylaş:
Baxılıb: 964 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30