Mədəniyyətin təbliğində əhəmiyyətli vasitə

Bakı:

23 °C

57 %

7 m/s

Əlaqə

AZ RU EN

Ana səhifə / Mədəniyyət / Mədəniyyətin təbliğində əhəmiyyətli vasitə

Mədəniyyətin təbliğində əhəmiyyətli vasitə

19.10.2023 [11:10]

Bakıda “Musiqinin rəngləri” sərgisi açılıb

Günel ABBAS

Bu gün sərgilər getdikcə daha çox əhəmiyyət kəsb edir. Bu, iqtisadiyyat, texnologiya və digər sahələrin inkişafı ilə şərtlənir. Belə tədbirlər sənaye təmayülləri, rəqib şirkətlər və uğura nail olmaq üçün nə etmək lazım olduğu barədə aydın təsəvvür yaradır. Sərgilər bu və ya digər məhsul, yaxud xidmət barədə məlumat verməklə yanaşı, istehsalçı ilə istehlakçını birbaşa görüşdürən yeganə reklam üsuludur. Sərgilərin səmərəli cəhəti həm də vaxta qənaətdir, çünki sərgi 3-4 gün ərzində bir platformada sənayenin aparıcı iştirakçıları ilə görüşlər keçirmək, danışıqlar aparmaq və faydalı işgüzar tanışlıqlar qurmaq üçün unikal imkanlar yaradır.

Azərbaycanda ticarət-sənaye sərgiləri yeni müştərilər və satış bazarları axtarmaq, eləcə də satışın coğrafiyasını genişləndirmək üçün effektiv vasitədir və beynəlxalq əməkdaşlıq əlaqələrinin qurulmasına, o cümlədən investisiya axınının artmasına kömək edir.

Ancaq sərgilər təkcə iqtisadi yüksəlişə yox, həm də mədəniyyətin təbliğatına və inkişafına yönəlib. Bu mənada xüsusi qeyd etmək lazımdır ki, müstəqillik illərində Azərbaycan təsviri sənətinin tərəqqisi, dünyada təbliği, gənc rəssamların yaradıcılığının dəstəklənməsi istiqamətində də bir çox məqsədyönlü işlər görülüb. Son illərdə keçirilən respublika və beynəlxalq əhəmiyyətli sərgilərin sayı xeyli artıb. Bu illərdə Azərbaycan rəssamlarının əsərləri Almaniya, ABŞ, Rusiya, Türkiyə, İran, Fransa, İsveçrə, İtaliya, Niderland, Sloveniya, Misir, Səudiyyə Ərəbistanı, Cənubi Koreya, Ukrayna, Moldova, Özbəkistan, Braziliya, Çin, Avstriya, Portuqaliya və s. kimi ölkələrin ən nüfuzlu sərgi salonları, muzey və qalereyalarında nümayiş etdirilib.

Bununla bərabər multikulturalizm mərkəzi olan ölkəmizdə də xarici incəsənət nümayəndələrinin sərgiləri təşkil edilir.

Yeri gəlmişkən, Bakıda Rus Evinin təsviri incəsənət sərgi zalında Mahru Nortonun “Musiqinin rəngləri” adlı fərdi sərgisi keçirilir. 13 oktyabr tarixində başlayan sərgi oktyabr ayının 31-dək davam edəcək. Mahrunun musiqiyə olan bənzərsiz sevgisi onun rəsm əsərlərində təcəssüm olunur. O, öz əsərlərində izləyicini əsrarəngiz obrazlar və musiqi alətlərinin hisslərlə birləşdiyi dünyaya qovuşdurur.

Mahru Nortonun rəsm əsərləri Azərbaycanla yanaşı, xarici ölkələrdə də təqdim edilib. Rəssamın əsərləri bir sıra qalereyaların sərgi salonlarını bəzəyir və dünyanın müxtəlif nöqtələrində şəxsi kolleksiyaların bir hissəsi kimi yer alır. Bakıdakı Rus Evinin sərgi salonlarında Mahru Nortonun ən yaxşı əsərlərindən seçmələr nümayiş etdirilir. İzləyicilərə qeyri-adi texnikada hazırlanmış və məhz Mahru Nortona xas olan təkrarolunmaz incəliklə dolu musiqili və mistik silsilədən ibarət əsərlər təqdim olunur.

Paylaş:

Baxılıb: 697 dəfə