ADİU-də Ümummilli lider Heydər Əliyevin 90 illik yubileyinə həsr olunmuş “Məzun-2013” VIII ümumrespublika yarmarkası keçirilib

Bakı:

24 °C

88 %

2 m/s

AZ RU EN

Ana səhifə / Siyasət / ADİU-də Ümummilli lider Heydər Əliyevin 90 illik yubileyinə həsr olunmuş “Məzun-2013” VIII ümumrespublika yarmarkası keçirilib

ADİU-də Ümummilli lider Heydər Əliyevin 90 illik yubileyinə həsr olunmuş “Məzun-2013” VIII ümumrespublika yarmarkası keçirilib

18.05.2013 [17:37]

Mayın 17-də Azərbaycan Dövlət İqtisad Universitetində (ADİU) Ümummilli lider Heydər Əliyevin 90 illik yubileyinə həsr olunmuş “Məzun-2013” VIII ümumrespublika yarmarkası keçirilib.
AzərTAc xəbər verir ki, müvafiq qurumların, o cümlədən Heydər Əliyev Fondunun nümayəndələrinin iştirak etdikləri açılış mərasimində ADİU-nun rektoru, Milli Məclisin Elm və təhsil komitəsinin sədri, professor Şəmsəddin Hacıyev müasir müstəqil dövlətimizin memarı və qurucusu, Ümummilli lider Heydər Əliyev siyasətinin əhəmiyyətindən danışıb, Ulu öndərin ideyalarının Azərbaycan Prezidenti İlham Əliyev tərəfindən uğurla həyata keçirildiyini diqqətə çatdırıb.
Prezident İlham Əliyevin apardığı siyasətin uğurlu nəticələrindən bəhs edən rektor Azərbaycanın çox sürətlə inkişaf etdiyini, elm və təhsilimizdə mühüm nailiyyətlər qazanıldığını bildirib.
2013-cü ildə ölkəmizdə prezident seçkilərinin keçiriləcəyini xatırladan professor Ş.Hacıyev bu seçkilərdə xalqın yenə də Azərbaycan Prezidenti İlham Əliyevin namizədliyini dəstəkləyəcəyinə əminliyini vurğulayıb.
Rektor, eyni zamanda, “Məzun-2013” VIII ümumrespublika yarmarkasının əhəmiyyətini diqqətə çatdırıb.
Yeni Azərbaycan Partiyası Sədrinin müavini-İcra katibi, Milli Məclisin deputatı Əli Əhmədov ölkəmizdə gənclərə, onların inkişafına göstərilən dövlət qayğısından danışıb, təhsil üzrə mühüm proqramların reallaşdırıldığını bildirib.
Respublikamızda çoxlu sayda yeni iş yerlərinin açıldığını deyən Ə.Əhmədov bunun iqtisadi inkişafın mühüm göstəricilərindən biri olduğunu xatırladıb.
Milli Məclisin Aqrar siyasət komitəsinin sədri Eldar İbrahimov və parlamentin Sosial siyasət komitəsinin sədri Hadi Rəcəbli Azərbaycanda qazanılan bütün nailiyyətlərin dahi rəhbər Heydər Əliyev və Prezident İlham Əliyev siyasətinin bəhrəsi olduğunu diqqətə çatdırıblar.
Çıxış edən məzunlar “Məzun-2013” VIII ümumrespublika yarmarkasının təşkilatçılarına təşəkkürlərini bildiriblər.
Builki “Məzun-2013” VIII ümumrespublika yarmarkasında 111 nazirlik, komitə, bank və şirkət iştirak edir (2006-cı ildə ADİU tərəfindən ilk dəfə keçirilən məzun yarmarkasında 24 bank və 340 məzun iştirak edib). Yeddi ölkənin, o cümlədən Azərbaycan, Türkiyə, Almaniya, Yaponiya, Rusiyanın 52 təhsil müəssisəsinin 2 mindən artıq məzunu qeydiyyatdan keçib. Təqdim olunan vakansiyaların sayı 1100-dən çoxdur.
“Məzun-2013” VIII ümumrespublika yarmarkasında 1000-ə yaxın gəncin işlə təmin olunması nəzərdə tutulur.

Paylaş:

Baxılıb: 1177 dəfə