Heydər Əliyev
yeni azerbaycan logo

Ana səhifə / Siyasət / Türkiyə mediasının nümayəndələri Azərbaycan Mətbuat Şurasında olublar

Türkiyə mediasının nümayəndələri Azərbaycan Mətbuat Şurasında olublar

20.07.2013 [12:48]

İyulun 19-da Türkiyə Jurnalistlər Federasiyasının sədr müavini Mehmed Ali Dimin rəhbərlik etdiyi nümayəndə heyəti Azərbaycan Mətbuat Şurasında (MŞ) olub.
Mətbuat Şurasından AzərTAc-a bildiriblər ki, qonaqları salamlayan (MŞ) sədri Əflatun Amaşov onlara rəhbərlik etdiyi qurumun fəaliyyəti barədə ətraflı məlumat verib. Bildirib ki, şura əsas missiyasına uyğun olaraq cəmiyyət üzvlərinin media ilə bağlı şikayətlərini araşdırır, qərar və rəylər verir.
MŞ-nin beynəlxalq əlaqələrə daim üstünlük verdiyini diqqətə çatdıran Əflatun Amaşov bu münasibətlərdə qardaş Türkiyənin mediası və jurnalist təşkilatları ilə təmasların mühüm əhəmiyyət daşıdığını vurğulayıb. O, Türkiyənin kütləvi informasiya vasitələrinin dünyanın media məkanında mühüm rol oynadıqlarını diqqətə çatdırıb. Əlavə edib ki, Azərbaycan jurnalistlərinin türkiyəli həmkarlarının təcrübəsinə yiyələnməsi vacib əhəmiyyət daşıyır.
Türkiyəli qonaqlar Azərbaycan mediası ilə tanışlığın onlar üçün böyük əhəmiyyət daşıdığını bildiriblər. Səfərlərinin Milli Mətbuat Günü ərəfəsinə təsadüf etməsindən məmnunluqlarını ifadə ediblər. Qonaqlar Azərbaycana keçən il gerçəkləşdirdikləri səfərin də onlarda böyük təəssürat yaratdığını önə çəkiblər.
Qardaş ölkə mediasının nümayəndə heyətinin tərkibinə Türkiyə Jurnalistlər Federasiyasının sədr müavini Mehmed Ali Dim ilə yanaşı, Türkiyə İdman Yazarları Birliyinin idarə heyətinin üzvü Necati Şatana, “Yeni Alaniya” qəzetinin redaktoru Ferit Kesen, Alaniya Qəzetəcilər Cəmiyyətinin üzvü İbrahim Barış Başar daxildirlər.

Paylaş:
Baxılıb: 1141 dəfə

Xəbər lenti

Hamısına bax

YAP xəbərləri

Gündəm

Gündəm

Gündəm

İqtisadiyyat

MEDİA

İqtisadiyyat

Mədəniyyət

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30