Heydər Əliyev
yeni azerbaycan logo

Ana səhifə / Siyasət / Böyük Britaniyanın “Open Central Asia” jurnalında AzərTAc-ın xüsusi müxbirinin Bakı Beynəlxalq Humanitar Forumu haqqında məqaləsi dərc edilib

Böyük Britaniyanın “Open Central Asia” jurnalında AzərTAc-ın xüsusi müxbirinin Bakı Beynəlxalq Humanitar Forumu haqqında məqaləsi dərc edilib

29.03.2014 [12:11]

AzərTAc-ın Böyük Britaniyadakı xüsusi müxbiri Orxan İsmayılovun bu ölkənin “Open Central Asia” jurnalında “Bakı Beynəlxalq Humanitar Forumu” sərlövhəli məqaləsi dərc edilib.
Məqalədə qeyd olunur ki, Bakı Beynəlxalq Humanitar Forumu müxtəlif millətlərin nümayəndələrinin bir araya gələrək bəşəriyyəti düşündürən problemləri müzakirə etdikləri ən önəmli tədbirlərdən biridir.
Forumun tarixi haqqında məlumat verən müəllif bildirir ki, ilk dəfə 2011-ci ildə keçirilən tədbir bir çox qlobal məsələlərlə bağlı fikir mübadiləsi aparmaq üçün geniş imkanlar yaradıb. Artıq ənənə halı alan Forumda Birləşmiş Krallıq da daxil olmaqla dünyanın müxtəlif ölkələrindən tanınmış ictimai-siyasi xadimlər, sabiq dövlət başçıları, Nobel mükafatı laureatları, jurnalistlər iştirak edirlər.
Bu mötəbər tədbirin iştirakçılarının sayının ildən-ilə artdığını yazan müəllif III Bakı Beynəlxalq Humanitar Forumunda 800 nümayəndənin iştirak etdiyini vurğulayıb.
Məqalədə diqqətə çatdırılır ki, bu tədbirdə iştirak etmək üçün Azərbaycana gələn qonaqlar ölkənin zəngin mədəni irsi və tarixi ilə bağlı geniş məlumat əldə edir, paytaxt Bakı və bölgələrlə yaxından tanış olurlar.
Yazıda Forumda iştirak edən Böyük Britaniya təmsilçilərindən Suffolk və Şərqi İngiltərə universitetlərinin professorları Mayk Saks və Josef Mifsudun müxtəlif KİV-lərə, o cümlədən AzərTAc-a müsahibələrindən fikirlərə də yer verilir.

Paylaş:
Baxılıb: 804 dəfə

Xəbər lenti

Hamısına bax

Dünya

YAP xəbərləri

İqtisadiyyat

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31