Heydər Əliyev
yeni azerbaycan logo

Ana səhifə / Siyasət / Azərbaycanın müdafiə naziri Çanaqqala döyüşünün 99-cu ildönümü münasibətilə Türkiyədə keçirilən tədbirlərdə iştirak edir

Azərbaycanın müdafiə naziri Çanaqqala döyüşünün 99-cu ildönümü münasibətilə Türkiyədə keçirilən tədbirlərdə iştirak edir

25.04.2014 [09:34]

Aprelin 24-də Çanaqqala döyüşünün 99-cu ildönümü münasibətilə Türkiyənin Gelibolu yarımadasındakı Tarixi Milli Parkda yerləşən Şəhidlər abidəsi önündə Beynəlxalq anma mərasimi keçirilib.
Müdafiə Nazirliyinin mətbuat xidmətindən AzərTAc-a bildiriblər ki, 30 ölkənin müdafiə nazirlərinin, diplomatik nümayəndəliklərinin təmsilçilərinin və digər qonaqların iştirakı ilə keçirilmiş tədbirdə Azərbaycan Respublikasının müdafiə naziri, general-polkovnik Zakir Həsənov da iştirak edib.
Mərasim Çanaqqala döyüşündə iştirak etmiş ölkələrin hərbi formalarını geyinmiş əsgərlərin dövlət bayraqları ilə keçidi, döyüşlərdə həyatını itirmiş hərbi qulluqçuların xatirəsinin ehtiramla yad edilməsi, abidə önünə gül çələnglərinin düzülməsi və yaylım atəşlərinin açılması ilə başlayıb.
Sonra müxtəlif ölkələrin hərbi və diplomatik nümayəndəlikləri təmsilçilərinin çıxışları olub.
Mərasim hərbi keçid və Türkiyə Hərbi Hava Qüvvələrinin F-16 təyyarələrinin nümunəvi uçuşlarının nümayişi ilə davam edib.
Sonda general-polkovnik Zakir Həsənov müxtəlif ölkələrin nümayəndələri ilə birlikdə Şəhidlik dəftərini imzalayıb və Türk şəhidliyini ziyarət edib.
Azərbaycan Respublikası müdafiə nazirinin Türkiyə Respublikasına səfəri aprelin 25-də başa çatacaq.

Paylaş:
Baxılıb: 770 dəfə

Xəbər lenti

Hamısına bax

Mədəniyyət

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31