AGİ agentliyi AzərTAc ilə dərin köklərə əsaslanan qarşılıqlı əlaqələrin daha da inkişaf etdirilməsində maraqlıdır

Bakı:

17 °C

88 %

3 m/s

AZ RU EN

Ana səhifə / Siyasət / AGİ agentliyi AzərTAc ilə dərin köklərə əsaslanan qarşılıqlı əlaqələrin daha da inkişaf etdirilməsində maraqlıdır

AGİ agentliyi AzərTAc ilə dərin köklərə əsaslanan qarşılıqlı əlaqələrin daha da inkişaf etdirilməsində maraqlıdır

03.10.2014 [09:48]

İtaliyanın AGİ agentliyi Azərbaycan Dövlət Teleqraf Agentliyi - AzərTAc ilə dərin köklərə əsaslanan qarşılıqlı əlaqələrin daha da inkişaf etdirilməsində maraqlıdır.
AzərTAc xəbər verir ki, bu sözləri Dördüncü Bakı Beynəlxalq Humanitar Forumunda iştirak etmək üçün ölkəmizdə səfərdə olan İtaliyanın “AGİ” agentliyinin Baş icraçı direktoru Gianni di Ciovanni oktyabrın 2-də AzərTAc-da keçirilən görüşdə deyib.
Baş direktor Aslan Aslanov görüşdə AzərTAc-ın keçdiyi inkişaf yolu, son illərdə əldə etdiyi uğurlar, dövlət siyasətinin informasiya təminatında agentliyin mövqeyi və beynəlxalq əlaqələri barədə ətraflı məlumat verib. AzərTAc ilə İtaliyanın ANSA və AGİ agentlikləri arasında informasiya mübadiləsinə dair müqavilə imzalandığını qeyd edən A.Aslanov beynəlxalq və regional media qurumlarında da uğurlu əməkdaşlıq həyata keçirildiyini vurğulayıb. Baş direktor 2016-cı ildə Bakıda eyni vaxtda Asiya və Sakit Okean Ölkələri İnformasiya Agentlikləri Təşkilatının (OANA) XVI Baş Assambleyasının və Dünya Xəbər Agentliklərinin V Konqresinin keçiriləcəyini və 2019-cu ilədək bu qurumlara AzərTAc-ın rəhbərlik edəcəyini diqqətə çatdırıb. Qeyd olunub ki, bu, eyni zamanda, İtaliyanın xəbər agentlikləri ilə əməkdaşlığın inkişafına da əlavə imkanlar yaradacaq.
Görüşdə Ümummilli lider Heydər Əliyevin Azərbaycan ilə İtaliya arasında münasibətlərin inkişafında böyük xidmətlərinin olduğu bildirilib, Prezident İlham Əliyevin uğurlu xarici siyasəti nəticəsində əlaqələrimizin müxtəlif sahələrdə, o cümlədən humanitar sahədə daha da genişləndiyi vurğulanıb.
Ölkələrimiz arasında əlaqələrin inkişafında, xüsusilə mədəniyyət sahəsində əməkdaşlığın dərinləşməsində Azərbaycanın birinci xanımı, Heydər Əliyev Fondunun prezidenti Mehriban Əliyevanın mühüm rolu xüsusi qeyd olunub. Bildirilib ki, Mehriban Əliyevanın təşəbbüsü ilə Roma katakombalarının bərpası, Kapitolini Muzeyinin “Filosoflar zalı”nda aparılan təmir işləri, ümumiyyətlə, Heydər Əliyev Fondunun İtaliyada mədəni irsin qorunması istiqamətində həyata keçirdiyi tədbirlər xüsusi məna və əhəmiyyət kəsb edir.
Baş direktor bu il Dördüncü Bakı Beynəlxalq Humanitar Forumunda dünyanın 60 ölkəsindən dövlət xadimləri və alimlərdən ibarət çoxlu nümayəndə heyətinin iştirak etdiyini söyləyərək Forumun artıq mühüm beynəlxalq hadisəyə çevrildiyini, tədbirə marağın ildən-ilə artdığını qeyd edib.
Bakı Beynəlxalq Humanitar Forumunun ölkələrarası əməkdaşlıq əlaqələrinin möhkəmləndirilməsində mühüm rol oynadığını söyləyən Gianni Di Ciovanni tədbirin Prezident İlham Əliyevin rəhbərliyi ilə hər il yüksək səviyyədə təşkil olunmasından məmnunluğunu ifadə edib.
Gianni Di Ciovanni İtaliyanın AGİ agentliyi ilə AzərTAc arasında mövcud əlaqələrin daha da genişləndirilməsinin vacibliyini bildirərək deyib: “Əminəm ki, agentliklərimizin qarşılıqlı fəaliyyəti İtaliya ilə Azərbaycan arasında siyasi, iqtisadi və humanitar mübadilələrin daha da genişlənməsinə töhfə verəcək”.
Ermənistan-Azərbaycan, Dağlıq Qarabağ münaqişəsinə toxunan Gianni Di Ciovanni İtaliya parlament Senatının Ermənistanın işğalçılıq siyasətini pisləyən iki bəyanat qəbul edərək BMT-yə və Avropa İttifaqına göndərdiyini diqqətə çatdırıb.
AGİ agentliyinin baş icraçı direktoru Heydər Əliyev Fonduna İtaliyanın mədəni dəyərlərinin dünya irsi kimi qəbul olunmasına verdiyi töhfələrə görə minnətdarlığını bildirib.

Paylaş:

Baxılıb: 592 dəfə