Heydər Əliyev
yeni azerbaycan logo

Ana səhifə / Siyasət / QHT-media əlaqələrinin möhkəmləndirilməsi məsələsi müzakirə olunub

QHT-media əlaqələrinin möhkəmləndirilməsi məsələsi müzakirə olunub

01.11.2014 [12:41]

Oktyabrın 31-də Milli QHT Forumu (MQF) “Azərbaycan 2020: gələcəyə baxış” İnkişaf Konsepsiyasından irəli gələn aktual məsələlərlə bağlı növbəti ictimai müzakirələr çərçivəsində “Vətəndaş cəmiyyətinin inkişafı məqsədilə QHT-media əlaqələrinin gücləndirilməsi” mövzusunda tədbir təşkil edib.
AzərTAc xəbər verir ki, MQF-nin prezidenti Rauf Zeyni tədbirdə çıxış edərək media və qeyri-hökumət təşkilatları arasında daimi əməkdaşlığın olduğunu, QHT-lərin həyata keçirdiyi tədbirlərin kütləvi informasiya vasitələri tərəfindən geniş işıqlandırıldığını söyləyib.
Layihə haqqında məlumat verən R.Zeyni Konsepsiyadan irəli gələn aktual məsələlərlə bağlı ictimai müzakirələr çərçivəsində artıq üçüncü görüşün keçirildiyini, bundan əvvəlki mövzuların da aktual məsələlərə həsr olunduğunu bildirib. O, keçirilən müzakirələrin bütövlükdə vətəndaş cəmiyyətinin inkişafına xidmət etdiyini deyib.
Mətbuat Şurasının sədri Əflatun Amaşov QHT-media əlaqələrinin hazırkı vəziyyətindən, mövcud problemlərdən və mətbuatın üzərinə düşən vəzifələrdən danışıb.
Tədbirdə MQF-nin informasiya təminatı departamentinin rəhbəri Səbuhi Abbasovun “Vətəndaş cəmiyyətinin inkişafında QHT-lərin və medianın rolu” mövzusunda məruzəsi dinlənilib.
Xatırladaq ki, MQF tərəfindən ictimai müzakirələr Prezident yanında QHT-lərə Dövlət Dəstəyi Şurasının maliyyə dəstəyi ilə keçirilir.

Paylaş:
Baxılıb: 716 dəfə

Xəbər lenti

Hamısına bax

YAP xəbərləri

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31