Heydər Əliyev
yeni azerbaycan logo

Ana səhifə / Siyasət / Asəf Hacıyev QDİƏT-in Parlament Assambleyasının baş katibi seçilib

Asəf Hacıyev QDİƏT-in Parlament Assambleyasının baş katibi seçilib

10.12.2014 [10:10]

Yeni Azərbaycan Partiyasının (YAP) Siyasi Şurasının üzvü, partiyanın Beynəlxalq əlaqələr şöbəsinin müdiri Asəf Hacıyev Qara Dəniz İqtisadi Əməkdaşlıq Təşkilatının (QDİƏT) Baş Assambleyasının Yunanıstanın paytaxtı Afinada keçirilən iclasında QDİƏT-in Parlament Assambleyasının baş katibi seçilib.
Qeyd edək ki, QDİƏT-in Parlament Assambleyasında Azərbaycan nümayəndə heyətinin rəhbəri kimi çıxış edən Asəf Hacıyev bu müddət ərzində ölkəmizin təşkilatla əməkdaşlığı, qarşılıqlı faydalı əlaqələrin inkişafı baxımından səmərəli fəaliyyət göstərib.
Ümumiyyətlə, praqmatik xarici siyasət kursuna malik olan Azərbaycan beynəlxalq təşkilatlarda, o cümlədən Qara Dəniz İqtisadi Əməkdaşlıq Təşkilatında uğurla təmsil olunur. Ölkəmizin bu qurumdakı nümayəndə heyətinin üzvləri mütəmadi olaraq təşkilatın işində aktiv təmsil olunurlar. Bu baxımdan, Asəf Hacıyevin QDİƏT-in Parlament Assambleyasının baş katibi seçilməsi, eyni zamanda, Azərbaycan nümayəndə heyətinin beynəlxalq təşkilatlarda uğurlu təmsilçiliyinin, səmərəli fəaliyyətinin göstəricisidir.
P.S. “Yeni Azərbaycan” qəzeti olaraq Yeni Azərbaycan Partiyasının Siyasi Şurasının üzvü, partiyanın Beynəlxalq əlaqələr şöbəsinin müdiri Asəf Hacıyevi bu məsul vəzifəyə seçilməsi münasibətilə təbrik edir, fəaliyyətində uğurlar diləyirik.

Paylaş:
Baxılıb: 646 dəfə

Xəbər lenti

Hamısına bax

Mədəniyyət

Gündəm

MEDİA

Siyasət

İqtisadiyyat

Ədəbiyyat

Sosial

Ədəbiyyat

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31