Rauf Əliyev: Azərbaycanın bütün sahələrdə əldə etdiyi uğurlar bəzi qüvvələri daim narahat edir

Bakı:

17 °C

88 %

5 m/s

Əlaqə

AZ RU EN

Ana səhifə / Siyasət / Rauf Əliyev: Azərbaycanın bütün sahələrdə əldə etdiyi uğurlar bəzi qüvvələri daim narahat edir

Rauf Əliyev: Azərbaycanın bütün sahələrdə əldə etdiyi uğurlar bəzi qüvvələri daim narahat edir

26.06.2015 [10:23]

“Avropa Şurası Parlament Assambleyasının sessiyasında “Azərbaycanda demokratik təşkilatların fəaliyyəti” adlı hesabat müzakirə olunmuş və qətnamə qəbul edilmişdir. Nəyə görə son vaxtlar Azərbaycana qarşı qarayaxma kampaniyası müntəzəm xarakter alıb? Cavab aydındır. Bu, Azərbaycanın yeritdiyi müstəqil siyasət, Azərbaycanın iqtisadi cəhətdən güclənməsi və öz seçdiyi, müəyyənləşdirdiyi yolla inamla irəliyə doğru getməsinə görədir. Əlbəttə, Azərbaycanın bütün sahələrdə əldə etdiyi uğurlar bu qüvvələri daima narahat edir. Bu hücumlar birinci Avropa Oyunları zamanı daha da güclənmişdir. Bu tədbirin belə möhtəşəm, təkrarsız milyonlarla tamaşaçını heyran qoyan formada keçirilməsi Azərbaycanı sevməyən qüvvələri daha da qıcıqlandırır. Onların ancaq bir yolu qalmışdır: yalan və böhtanla Azərbaycanın gündən-günə artan nüfuzuna ləkə gətirmək”. Bu fikirləri Milli Məclisin deputatı Rauf Əliyev deyib.
R.Əliyev bildirib ki, bu günlər dünyanın diqqəti Ermənistanın paytaxtı Yerevan şəhərinə yönəlib. Onun sözlərinə görə, elektrik enerjisinin tarifinin qaldırılması insanların “Qarətə son” şüarı altında kütləvi etirazına və küçələrə axmasına səbəb olub.
“Onsuz da Ermənistan dərin sosial-iqtisadi böhrandadır. Yaşayış səviyyəsi durmadan aşağı düşür. Bir neçə gündür ki, Ermənistan hüquq-mühafizə orqanları xüsusi amansızlıqla nümayişləri dağıdır, yüzlərlə nümayiş iştirakçısı polis tərəfindən saxlanılmışdır. Bu tədbirlərə baxmayaraq, insanlar yenə də nümayişə çıxmağa davam edirlər. Sual olunur: niyə bu üzdəniraq insan hüquq və azadlıqlarının müdafiəçiləri, ATƏT, Avropa Parlamenti, Avropa Birliyi Ermənistanın paytaxtında baş verən kütləvi qanun pozuntularına göz yumurlar? Bir neçə illər bundan qabaq Ermənistanda parlament gülləbaran ediləndə, müxalifət nümayəndələri qətlə yetiriləndə də bu üzdəniraq demokratlar susmuşdular. Avropa Şurasının əsas vəzifələrindən biri də bu təşkilata üzv olan dövlətlər arasında sülh, dostluq, mehribanlıq münasibətlərinin yaranması və bu münasibətlərin daha da gücləndirilməsi olmalıdır. Çox təəssüflər olsun ki, son illərdə biz bunun əksini görürük. Bu qüvvələr öz siyasətində ölkələr arasında bərabərhüquqlu əməkdaşlıq, dostluq, mehribanlıq prinsiplərinə daima əməl edən Azərbaycanı deyil, bu prinsiplərin əksinə, öz qonşusunun torpaqlarını zəbt edən, milyondan çox azərbaycanlını öz torpaqlarından qovub çıxartmış Ermənistanı dəstəkləyirlər”, - deyə R.Əliyev vurğulayıb.

Paylaş:

Baxılıb: 599 dəfə