Heydər Əliyev
yeni azerbaycan logo

Ana səhifə / Siyasət / Azərbaycanın Dövlət Sərhəd Xidməti ilə Türkiyə Silahlı Qüvvələri arasında əlaqələr yüksək səviyyədədir

Azərbaycanın Dövlət Sərhəd Xidməti ilə Türkiyə Silahlı Qüvvələri arasında əlaqələr yüksək səviyyədədir

12.09.2015 [11:31]

Dövlət Sərhəd Xidmətinin rəisi - Sərhəd Qoşunlarının Komandanı, general-polkovnik Elçin Quliyev sentyabrın 11-də xidmətin Aparatında Türkiyənin ölkəmizdəki səfiri İsmayıl Alper Coşqun ilə görüşüb.
Dövlət Sərhəd Xidmətinin mətbuat mərkəzindən AZƏRTAC-a bildiriblər ki, görüşdə İsmayıl Alper Coşqun ölkəsinin Azərbaycanda yeni təyin olunmuş hərbi attaşesi, general-mayor İhsan Başbozkurtu təqdim edib.
Dövlət Sərhəd Xidmətinin rəisi hərbi attaşeni yeni təyinatı ilə əlaqədar təbrik edib və Türkiyə Silahlı Qüvvələri ilə Azərbaycan Respublikasının Dövlət Sərhəd Xidməti arasında əməkdaşlığın genişləndirilməsi istiqamətində gələcək fəaliyyətində ona uğurlar arzulayıb.
Söhbət əsnasında Azərbaycan Respublikası Dövlət Sərhəd Xidməti ilə Türkiyə Respublikasının Silahlı Qüvvələri arasında ikitərəfli əlaqələrin vəziyyəti yüksək qiymətləndirilib və gələcək əməkdaşlığın inkişaf perspektivlərinə dair fikir mübadiləsi aparılıb.
Görüşdə Elçin Quliyev, həmçinin Türkiyədə son zamanlar törədilmiş terror aktları nəticəsində çoxsaylı hərbçilərin şəhid olması və yaralanması xəbərinə kədərləndiyini bildirib, baş vermiş hadisələrlə əlaqədar dərin hüznlə başsağlığı verib, yaralananların tezliklə sağalmasını arzulayıb.

Paylaş:
Baxılıb: 473 dəfə

Xəbər lenti

Hamısına bax
Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31