Heydər Əliyev
yeni azerbaycan logo

Ana səhifə / Siyasət / Britaniya təmsilçiləri Milli Məclisə seçkiləri yüksək qiymətləndirirlər

Britaniya təmsilçiləri Milli Məclisə seçkiləri yüksək qiymətləndirirlər

03.11.2015 [10:05]

Azərbaycanda Milli Məclisə seçkiləri izləyən britaniyalı müşahidəçilər də seçkilərin şəffaf və demokratik keçdiyini bildiriblər.
Noyabrın 2-də keçirdikləri mətbuat konfransında Böyük Britaniyanın Lordlar Palatasının üzvü Deyvis Evans beş il əvvəl Azərbaycanda parlament seçkilərində də müşahidəçi kimi iştirak etdiyini deyib. Builki seçkilərin çox yaxşı təşkil olunduğunu bildirən D.Evans qeyd edib ki, səsvermənin şəffaflığı və təhlükəsizliyin yüksək səviyyədə təmini olduqca təqdirəlayiq haldır.
Britaniyalı digər müşahidəçi Baronessa Detta O’Kateyn vurğulayıb ki, baş çəkdikləri bütün səsvermə məntəqələrində seçkilərə ciddi münasibətin şahidi olublar: “İnsanların təkrar səs verməsinin qarşısını almaq üçün barmaqların mürəkkəbə batırılması çox yaxşı haldır. Hər şey nizam-intizamla həyata keçirilirdi. Seçicilər sərbəst şəkildə məntəqəyə daxil olur, səslərini verirdilər. Müşahidə etdiyim əsas xüsusiyyətlərdən biri həm məntəqə işçilərinin, həm də seçicilərin əksəriyyətinin qadınlardan ibarət olması idi. Azərbaycanda insanlar səsvermədə fəal iştirak edir, onlara verilən bu hüququ yüksək qiymətləndirirdilər. Ölkənizin əldə etdiyi nailiyyətlər yüksək qiymətləndirilməlidir”.

Paylaş:
Baxılıb: 583 dəfə

Xəbər lenti

Hamısına bax

YAP xəbərləri

Gündəm

İqtisadiyyat

Ədəbiyyat

Analitik

Ədəbiyyat

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31