Karin Ştrenz: Dağlıq Qarabağda günahsız insan ölümlərinin qarşısının alınması üçün beynəlxalq hüquq tətbiq edilməlidir

Bakı:

16 °C

77 %

2 m/s

AZ RU EN

Ana səhifə / Siyasət / Karin Ştrenz: Dağlıq Qarabağda günahsız insan ölümlərinin qarşısının alınması üçün beynəlxalq hüquq tətbiq edilməlidir

Karin Ştrenz: Dağlıq Qarabağda günahsız insan ölümlərinin qarşısının alınması üçün beynəlxalq hüquq tətbiq edilməlidir

08.04.2016 [09:36]

Almaniya parlamentinin deputatı və Almaniya-Cənubi Qafqaz parlament qrupunun rəhbəri Karin Ştrenz, qrupun həmsədri, deputat Yohannes Kahrs Dağlıq Qarabağ regionunda yaranmış və son günlər ən yüksək şiddət dərəcəsinə çatmış silahlı toqquşmalarla bağlı açıqlama veriblər. Bu barədə AZƏRTAC-a Avropa Azərbaycan Cəmiyyətindən məlumat verilib.
Açıqlamada bildirilir ki, hadisələrin hərbi qarşıdurma müstəvisində irəliləməsi qısa müddət ərzində dayandırılmalıdır. Bu münaqişənin səbəb olduğu hər bir silahlı atışma, hər bir yaralanma və insan ölümü hallarına yol verilməməlidir.
Almaniya bu il ATƏT-ə sədrlik edir. Deputatlar ATƏT və ona aid Minsk qrupu çərçivəsində lüzumsuz insan ölümlərinin qarşısını almaq üçün danışıqların davam etdirilməsini tələb edirlər. Almaniya bu il münaqişə regionunda dramatik vəziyyətin yumşaldılması və aradan qaldırılması üçün öz məqsədyönlü töhfəsini vermək üçün böyük şansa malikdir. Baş vermiş son dağıdıcı döyüşlər bunun mütləq lazım olduğunu göstərdi. BMT-nin Təhlükəsizlik Şurasının Dağlıq Qarabağla bağlı qəbul etdiyi qətnamələr (822, 853, 874 və 884 saylı) beynəlxalq hüquq normalarının pozulmasının başa çatdırılmalı olduğunu əks etdirir.
Karin Ştrenz deyib: “Hazırkı vəziyyət beynəlxalq hüququn tələblərinə uyğun deyil və kəskin şəkildə pislənilir. Parlament işçi qrupu Cənubi Qafqaz regionunda zorakılığa son qoyulması üçün bu qətnamələrin icrasını dəstəkləyir. Danışıqlar masasına qayıtmaq üçün tam atəşkəsin təmin edilməsi lazımi şərtdir.
Azərbaycan tərəfinin atəşi birtərəfli qaydada dayandırması bəyanatını müsbət qiymətləndirir və ümid edirik ki, bu, mövcud vəziyyətdə gərginliyin azalmasına gətirəcək. Atəşkəs rejiminə hər iki tərəfdən ciddi əməl edilməlidir”.
Yohannes Kahrs bildirib: “Əsas məqsəd odur ki, bu “dondurulmuş münaqişə” atəşkəs bərpa edildikdən sonra öz dayanıqlı həllini tapsın və Almaniya Xarici İşlər Nazirliyi və xarici işlər naziri Frank-Valter Staynmayer bunun üçün lazımi təşəbbüsü öz üzərinə götürsün”.
Bildirilir ki, Almaniya parlamentində Almaniya-Cənubi Qafqaz parlament qrupu dayanıqlı sülh danışıqları üçün həm münaqişə tərəflərinin nümayəndələri ilə, həm də beynəlxalq vasitəçilərlə danışıqların davam etdirilməsinin tərəfdarıdır. Müvafiq parlamentlərlə əməkdaşlığın davam etdirilməsi ilə yanaşı, Dağlıq Qarabağdakı vəziyyət parlament işçi qrupu üçün xüsusi əsas mövzunu təşkil edir.
“Biz sülh münasibətlərinin formalaşması prosesinin sürətləndirilməsi üçün öz səylərimizi göstəririk. Bu, şübhəsiz müstəsna çətinlikləri əhatə edir. Qəbuledilməz vəziyyətin aradan qaldırılması üçün yolların tapılması ATƏT-ə sədrliyimiz dövründə bizim mənəvi borcumuzdur”, - deyə açıqlamada bildirilir.

Paylaş:

Baxılıb: 761 dəfə