Bahar Muradova: Azərbaycan hər üç həmsədr ölkədən bərabər və koordinasiya olunmuş fəaliyyət gözləyir

Bakı:

21 °C

94 %

4 m/s

AZ RU EN

Ana səhifə / Siyasət / Bahar Muradova: Azərbaycan hər üç həmsədr ölkədən bərabər və koordinasiya olunmuş fəaliyyət gözləyir

Bahar Muradova: Azərbaycan hər üç həmsədr ölkədən bərabər və koordinasiya olunmuş fəaliyyət gözləyir

13.07.2016 [09:45]

“İndiki halda Ermənistan münaqişənin həlli ilə bağlı Azərbaycanın mövqeyinə diametral şəkildə əks mövqe ortaya qoyur, əks mövqeləri yaxınlaşdırmaq isə ATƏT-in Minsk qrupunun həmsədrlərinin işidir”.
Bunu “Trend”ə açıqlamasında Milli Məclisin vitse-spikeri, Azərbaycanın ATƏT PA-dakı nümayəndə heyətinin rəhbəri Bahar Muradova deyib.
Onun sözlərinə görə, münaqişənin həlli üçün tərəflərin mövqeyindəki fərq azalmalıdır: “Bizim mövqeyimiz obyektivdir. Biz mövqeyimizi dəyişən deyilik. İşğalçı ölkə mövqeyini dəyişməlidir. Bu da status-kvonun dəyişməsindən başlamalıdır”.
B.Muradova qeyd edib ki, hazırkı dövrdə mövqelər status-kvonun dəyişməsi üçün atılacaq addımlara münasibətdə fərqlənir. Azərbaycan status-kvonun dəyişməsi üçün ilkin addım kimi işğalçı qoşunların ərazini tərk etməsini görür: “Ermənistan tərəfinin rəsmiləri də dünənki açıqlamalarında bildiriblər ki, onlar status-kvonun dəyişməsi üçün öz müqəddəratını təyinetmə prinsiplərini qəbul edirlər. Bu qədər bir-birinə zidd mövqelər ortada olarkən ümumi nəticənin olub-olmayacağını demək mümkün deyil. Amma əgər tərəflər münaqişənin mərhələli variantına münasibətdə obyektiv olaraq, düzgün ilkin addım atılmasına razılıq verərsə, onda hansısa müsbət danışıqlardan bəhs etmək olar. Hazırda gözə görünən odur ki, fəal danışıqlar prosesi gedir, ATƏT-in Minsk qrupunun həmsədrləri tərəfləri yaxınlaşdırmağa, danışıqlarda hansısa müsbət nəticələrin əldə olunması üçün prinsipləri razılaşdırmağa və həllə nail olmağa çalışırmış kimi görünürlər. Arzu edək ki, görünənlə mahiyyət uyğun gəlsin”.
B.Muradova Rusiyanın ATƏT-in Minsk qrupunun həmsədri kimi səylərinin müsbət nəticələnməsini də arzuladığını söyləyib. Onun sözlərinə görə, Rusiyanın xarici işlər naziri Sergey Lavrovun Azərbaycana səfəri də bu ümumi fəaliyyətin bir elementi kimi sayılmalıdır: “Ona görə ayrılıqda götürülmüş bir səfərdən tam müsbət nəticə gözləmək mümkün deyil. Amma düşünmürəm ki, ATƏT-in Minsk qrupunun həmsədri kimi Rusiyanın fəaliyyəti də münaqişənin tam həlli üçün kifayət etsin. Çünki üç həmsədr koordinasiya olunmuş, razılaşdırılmış və müsbət nəticəyə yönəlmiş fəaliyyət göstərdiyi təqdirdə istədiyimiz yekunu əldə edə bilərik”.
O bildirib ki, Azərbaycan hər üç həmsədr ölkədən bərabər və koordinasiya olunmuş fəaliyyət gözləyir: “Bütövlükdə prosesin sürətlənməsini, bu prosesdə çevik və operativ danışıqların getməsini dəyərləndirmək lazımdır. Prezident İlham Əliyev də bunu xüsusilə vurğulayır ki, heç zaman indiki qədər fəal danışıqlar prosesi getməyib. Buna da aprel hadisələri səbəb olub. Aprel hadisələri həm danışıqlar prosesinin tərəflərini, həm də vasitəçilik missiyasını həyata keçirənləri məsələyə yeni bir rakursdan baxmağa vadar edib. Hesab edirəm ki, bu çevik və operativ danışıqlar prosesi yalnız atəşkəsi qoruyub saxlamağa xidmət etmək məqsədi daşımasa, problemin həllinə yönəlmiş olsa, onun ayrı-ayrı elementləri ilə deyil, məhz münaqişənin özünün həlli ilə məşğul olunarsa, müsbət nəticə əldə etmək olar”.

Paylaş:

Baxılıb: 646 dəfə