Heydər Əliyev Azərbaycanın və Türkiyənin birgə inkişafı üçün böyük səylər göstərib

Bakı:

23 °C

56 %

0 m/s

Əlaqə

AZ RU EN

Ana səhifə / Siyasət / Heydər Əliyev Azərbaycanın və Türkiyənin birgə inkişafı üçün böyük səylər göstərib

Heydər Əliyev Azərbaycanın və Türkiyənin birgə inkişafı üçün böyük səylər göstərib

11.05.2019 [09:59]

Ankarada Ulu Öndərin doğum gününə həsr olunan mərasim keçirilib
Ümummilli Lider Heydər Əliyevin anadan olmasının 96-cı ildönümü münasibətilə Ankara şəhərində geniş mərasim təşkil olunub.
AZƏRTAC xəbər verir ki, mərasim Türkiyənin paytaxtındakı Heydər Əliyev Parkında Ulu Öndərin heykəlinin ziyarət olunması ilə başlanıb. Azərbaycanın Türkiyədəki səfirliyi adından heykəlin önünə əklil qoyulub. Ziyarətdə Azərbaycanı və Türkiyəni təmsil edən rəsmi şəxslər, o cümlədən Azərbaycan Milli Məclisinin komitə sədrləri Eldar İbrahimov və Əhliman Əmiraslanov, Türkiyə-Azərbaycan parlamentlərarası dostluq qrupunun sədri Şamil Ayrım, diplomatlar, Ankarada hərbi təhsil alan azərbaycanlılar iştirak ediblər.
Tədbir Ankaradakı Heydər Əliyevin adına orta məktəbdə davam edib.
Əvvəlcə Ulu Öndərlər Heydər Əliyevin və Mustafa Kamal Atatürkün xatirələri bir dəqiqəlik sükutla yad olunub.
Sonra Azərbaycanın və Türkiyənin dövlət himnləri səsləndirilib.
Rəsmi hissədə Azərbaycanın Türkiyədəki səfiri Xəzər İbrahim, Milli Məclisin komitə sədri Əhliman Əmiraslanov, parlamentlərarası dostluq qrupunun sədri Şamil Ayrım, sədr müavini Orxan Erdem, dostluq qrupunun keçmiş sədri Necdət Ünüvar və Heydər Əliyev Məktəbinin direktoru Necattin Şəngəzər çıxış ediblər.
Çıxışlarda Ümummilli Lider Heydər Əliyevin Azərbaycanın dövlət müstəqilliyinin qorunması və inkişafı yolunda həyata keçirdiyi siyasətin nəticələrindən, həmçinin türk dünyasının həmrəyliyi istiqamətində təşəbbüs göstərdiyi və reallığa çevirdiyi işlərdən, beynəlxalq iqtisadi layihələrin əhəmiyyətindən danışılıb. Diqqətə çatdırılıb ki, ölkəmizi parçalanmaqdan və məhv olmaqdan xilas edən Ulu Öndər Heydər Əliyev Azərbaycanın və Türkiyənin birgə inkişafı üçün böyük səylər göstərib. Ölkələrimizin müasir inkişafı bu səylərin bariz nümunəsidir. Əminliklə ifadə olunub ki, Heydər Əliyevin həmişəyaşar adı Azərbaycanda və Türkiyədə olduğu kimi, bütün türk dünyasında əbədiyyətə qədər ehtiramla yad olunacaq.
Mərasim şagirdlərin bədii proqramı ilə davam etdirilib. Ulu Öndər Heydər Əliyevə həsr olunan şeirlər oxunub və şagirdlərin digər ifaları olub.
Bədii hissənin ardınca Azərbaycanın Türkiyədəki səfirliyinin təhsil müşavirliyi tərəfindən Ulu Öndər Heydər Əliyevlə bağlı keçirilmiş inşa, şeir və rəsm müsabiqəsinin qalibləri mükafatlandırılıb.

Paylaş:

Baxılıb: 667 dəfə