Təhsil Nazirliyində müşavirə keçirilib

Bakı:

27 °C

46 %

3 m/s

Əlaqə

AZ RU EN

Ana səhifə / Siyasət / Təhsil Nazirliyində müşavirə keçirilib

Təhsil Nazirliyində müşavirə keçirilib

09.01.2010 [09:25]

Misir Mərdanov: Ali məktəblərin reytinqi üç meyar əsasında formalaşır
Təhsil Nazirliyində ali təhsil müəssisələrinin rəhbərləri ilə müşavirə keçirilib. Tədbirdə 2009-2010-cu tədris ilinin qış imtahan sessiyasının keçirilməsi müzakirə olunub. Müşavirədə ali təhsil müəssisələrinin reytinqini müəyyənləşdirən metodikanın təqdimatı da olub. Nazirliyin mətbuat xidmətindən aldığımız məlumata görə, “2009-2013-cü illərdə Azərbaycan Respublikasının ali təhsil sistemində islahatlar üzrə Dövlət Proqramı”nın icrası, ali təhsil müəssisələrində təhsil sənədlərinin (diplomların) alınması, saxlanılması, doldurulması, verilməsi və uçotu haqqında məsələlər də müzakirə mövzusu olub.
Təhsil naziri Misir Mərdanov müzakirəyə çıxarılan məsələlərin vacibliyini qeyd edib. Nazir bildirib ki, son illər həyata keçirilən tədbirlər, xüsusən də Təhsil Nazirliyində Mərkəzi Operativ Qərargahın, “Qaynar xətt” xidmətinin, ali məktəblərdə müvafiq qərargahların yaradılması, qeyri-hökumət təşkilatlarının Təhsil Nazirliyi ilə birgə imtahan sessiyasının gedişinə nəzarət etməsi, həmçinin, neqativ halların aradan qaldırılması üçün görülmüş operativ işlər nəticəsində semestr və dövlət imtahanlarında obyektivliyin və şəffaflığın təmin edilməsi istiqamətində mühüm uğurlar qazanılıb. Nazir həmin vasitələrdən istifadə olunmaqla builki qış imtahan sessiyasının da yüksək səviyyədə keçiriləcəyinə əmin olduğunu vurğulayıb.
Köçürmələrlə bağlı yaranmış narahatlığı ali məktəb rəhbərlərinin diqqətinə çatdıran Misir Mərdanov son vaxtlar köçürmələr edilərkən kredit sisteminin tələblərinin pozulduğunu, köçürülən tələbələr fənləri dinləmədən onlara göndərişlər verildiyini, fərq imtahanlarında qiymətlər yazıldığını, bütün bunların isə həmin tələbələrdə haqlı narazılığa səbəb olduğunu bildirib. Ali təhsil müəssisələrinin rəhbərlərinə bu məsələləri diqqət mərkəzində saxlamağı tövsiyə edib.
Təhsil naziri onu da qeyd edib ki, ölkəmizin ali məktəblərinə daxil olanların hamısına, layiq olub-olmamasından asılı olmayaraq, ali təhsil almaları barədə diplomlar verilir. Halbuki, xarici ölkələrin universitetlərində oxuyanların, təxminən, 70 faizi diplom ala bilir. Misir Mərdanov ali məktəblərin nüfuzuna mənfi təsir göstərən başlıca amil kimi mütəxəssis hazırlığının keyfiyyətinə nəzarətin gücləndirilməsini vacib hesab edib.
“Ali məktəblərin reytinqinin müəyyənləşdirilməsi məqsədi ilə Təhsil Nazirliyində artıq ilyarımdır ki, iş aparılır. Müvafiq metodika hazırlanaraq rəy və təkliflərin bildirilməsi üçün ali məktəblərə göndərilib. Təqdim olunan sənəd hazırlanarkən dünyanın bir sıra ölkələrinin bu sahədəki təcrübələri nəzərə alınıb”, - deyən M.Mərdanov təqdim olunan metodikaya əsasən ali məktəbin reytinqinin üç meyar əsasında formalaşdığını vurğulayıb. Nazir bu meyarlar - ali məktəbin potensialı, ali məktəbin fəallığı və təhsilin keyfiyyəti, beynəlxalq aləmdə tanınması, həmçinin, hər bir meyarı müəyyənləşdirmək üçün istifadə olunan indikatorlar haqqında da geniş məlumat verib.
Tədbirdə “2009-2013-cü illərdə Azərbaycan Respublikasının ali təhsil sistemində islahatlar üzrə Dövlət Proqramı”nın icrası çərçivəsində görülmüş işlər barədə də məlumat verilib. Qeyd olunub ki, proqramın icrası ilə əlaqədar Təhsil Nazirliyinin Fəaliyyət Planı hazırlanıb, Elmi-Koordinasiya Şurası və islahat istiqamətləri üzrə işçi qrupları yaradılıb.
Nazir Dövlət Proqramının müvafiq bəndinə uyğun olaraq ayrı-ayrı ali təhsil müəssisələrinin inkişaf proqramlarının hazırlanmalı olduğunu bildirib.
RUHİYYƏ

Paylaş:

Baxılıb: 1248 dəfə