Heydər Əliyev
yeni azerbaycan logo

Ana səhifə / Siyasət / YAP Sabirabad rayon təşkilatının yaranmasının 17-ci ildönümü qeyd edilib

YAP Sabirabad rayon təşkilatının yaranmasının 17-ci ildönümü qeyd edilib

19.01.2010 [08:50]

Yanvar ayının 16-da Sabirabad rayonunda Yeni Azərbaycan Partiyası (YAP) Sabirabad rayon təşkilatının yaranmasının 17-ci ildönümü ilə əlaqədar yığıncaq keçirilib. Tədbir iştirakçıları öncə ümummilli liderimiz Heydər Əliyevin abidəsini ziyarət edib, abidənin önünə çiçək dəstələri düzüblər. Sonra Ulu öndərin adını daşıyan muzeyə baxış keçirilib.
Yığıncağı giriş sözü ilə açan YAP Sabirabad rayon təşkilatının sədri Nadir Quliyev ümummilli liderimiz Heydər Əliyevin yaratdığı Yeni Azərbaycan Partiyasının böyük nailiyyətlər əldə etdiyini söyləyib, Azərbaycan dövlətçiliyinin möhkəmlənməsində YAP-ın müstəsna xidmətlərindən danışıb: “Hər zaman çalışmışıq ki, dahi öndərimiz, ümummilli liderimiz, YAP-nın yaradıcısı olan Heydər Əliyevin bizə miras qoyduğu ənənələri qoruyub, saxlayaq. Bundan sonra da çalışacağıq ki, bu ənənələrə sadiq qalaq və möhtərəm Prezident İlham Əliyev cənablarının ətrafında sıx birləşək”.
çıxış edən YAP Sabirabad rayon təşkilatı İdarə Heyətinin üzvü, Sabirabad rayon İcra Hakimiyyətinin başçısı Heydər Abbasov Ulu öndərimizin keçdiyi ömür yolundan ətraflı danışaraq, Onun xatirəsini ehtiramla yad edib. Yeni Azərbaycan Partiyasının Azərbaycanda siyasi mədəniyyətin inkişafında, çoxpartiyalı sistemin möhkəmlənməsində, demokratiya və vətəndaş cəmiyyətinin inkişafında böyük rolunun olduğunu söyləyən H.Abbasov vurğulayıb ki, başlıca məqsədi, amalı Azərbaycan xalqına, Azərbaycan dövlətçiliyinə xidmət etmək olan Yeni Azərbaycan Partiyası daim xalqımız tərəfindən dəstəklənir. Bu dəstək sayəsində də partiya gündən - günə sıralarını genişləndirir, inkişaf edir və bu gün nəinki Azərbaycanın, hətta regionun ən böyük siyasi partiyasıdır. çıxışın sonunda İH başçısı qeyd olunan hadisənin rayonun ictimai siyasi həyatında çox əlamətdar günlərdən biri olduğunu söyləyərək, bütün rayon ictimaiyyətini təbrik edib.
Daha sonra rayon təşkilatının İdarə Heyətinin üzvü Mirzəcan Xəlilov çıxış edərək bildirib ki, Sabirabad YAP-ın yerli təşkilatının yaradıldığı ikinci rayon olub: “O dövrki hakimiyyətin təzyiqlərinə, müdaxilələrinə baxmayaraq, Yeni Azərbaycan Partiyasının Sabirabad rayon təşkilatını yaratmaq mümkün oldu”.
AQŞİN

Paylaş:
Baxılıb: 1227 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30