Sumqayıt şəhərində parlament seçkiləri demokratik, şəffaf şəkildə keçib və yüksək seçici fəallığı ilə müşayiət olunub

Bakı:

30 °C

33 %

2 m/s

AZ RU EN

Ana səhifə / Siyasət / Sumqayıt şəhərində parlament seçkiləri demokratik, şəffaf şəkildə keçib və yüksək seçici fəallığı ilə müşayiət olunub

Sumqayıt şəhərində parlament seçkiləri demokratik, şəffaf şəkildə keçib və yüksək seçici fəallığı ilə müşayiət olunub

10.02.2020 [11:30]

Ölkəmizin hər yerində olduğu kimi Sumqayıt şəhərində də parlament seçkiləri yüksək seçici fəallığı ilə müşayiət olunub. Vurğulayaq ki, Sumqayıt şəhəri üzrə dörd seçki dairəsi fəaliyyət göstərir. 41 saylı Sumqayıt birinci seçki dairəsində 33 seçki məntəqəsi üzrə 43149, 42 saylı Sumqayıt ikinci seçki dairəsində 38 seçki məntəqəsi üzrə 42895, 43 saylı Sumqayıt üçüncü seçki dairəsində 34 seçki məntəqəsi üzrə 43850, 44 saylı Sumqayıt-Xızı seçki dairəsində 43 seçki məntəqəsi üzrə 41232 seçici qeydiyyata alınıb.
41 saylı Sumqayıt birinci seçki dairəsinin 1 saylı məntəqəsində proses olduqca şəffaf şəkildə keçirilib. Seçkini müşahidə edən müşahidəçilər bildiriblər ki, seçki prosesinə heç bir kənar müdaxilə edilməyib və qanundan kənar addımlar atılmayıb. Məntəqə Seçki Komissiyasının (MnSK) sədri Mehdi Ağayev bildirib ki, seçici aktivliyi kifayət qədər yüksəkdir. MnSK üzvü Nuranə Aslanova qeyd edib ki, seçki azad və ədalətli şəraitdə keçib, seçicilərin azad şəkildə səs verməsi üçün bütün şərait yaradılıb.
42 saylı Sumqayıt ikinci seçki dairəsinin 32 saylı seçki məntəqəsində də Milli Məclisə seçkilər uğurla keçib. MnSK sədri Adilə Süleymanova bildirib ki, seçicilər azad şəkildə səsvermədə iştirak edib, öz namizədlərinə səs veriblər. Seçkilərin gedişini izləyən müşahidəçilər Şamama Məlikova, Qəmər Məmmədova və Sadiq Məmmədov qeyd ediblər ki, gün ərzində yüksək seçici fəallığı müşahidə edilib və seçkilərin gedişinə heç bir müdaxilə olunmayıb. Həmin məntəqədə səs verən seçici Teymur Mirzəyev hər zaman ölkə Prezidentini və Onun Sədri olduğu Yeni Azərbaycan Partiyasını dəstəklədiyini bildirib.
43 saylı Sumqayıt üçüncü seçki dairəsinin 2 saylı seçki məntəqəsində də seçkilər uğurla keçirilib. MnSK sədri Maya Abdulova bildirib ki, gün ərzində yüksək seçici fəallığı müşahidə olunub və vətəndaşlar sərbəst şəkildə öz seçimlərini ediblər. MnSK üzvü Gülnarə Ağayeva seçicilərin azad, şəffaf və ədalətli şəkildə seçim etmələri üçün şərait yaradıldığını deyib. Seçkilərin gedişini izləyən müşahidəçilər Tahir Quliyev və Cəfər Məmmədov da məntəqədə heç bir neqativ halın baş vermədiyini və seçicilərin rahat şəkildə öz seçimini etməsi üçün qanunun tələblərinə uyğun olaraq bütün şəraitin yaradıldığını bildiriblər.
43 saylı Sumqayıt üçüncü seçki dairəsinin 3 saylı seçki məntəqəsinin MnSK sədri Reyhan Yunisova da seçici aktivliyinin yüksək olduğunu deyib. Həmin məntəqədə seçkini izləyən müşahidəçilər də qeyd ediblər ki, səsvermə prosesində heç bir qanun pozuntusuna rast gəlməyiblər. Həmin məntəqənin önündə “Exit-Poll” keçirən Rəy Monitorinq Mərkəzinin əməkdaşı Xalidə Feyziyeva da səs verən seçicilərin sonradan “Exit-Poll”un təqdim etdiyi anketi doldurduqlarını bildirib.
43 saylı Sumqayıt üçüncü seçki dairəsinin 19 saylı seçki məntəqəsində də yüksək seçici fəallığı müşahidə olunub. MnSK sədri İlahə Kazımzadə səsvermədə heç bir qanun pozuntusuna yol verilmədiyini bildirib.
44 saylı Sumqayıt-Xızı seçki dairəsinin 1 saylı məntəqəsinin MnSK sədri Qasım Qasımov məntəqənin səhər saatlarından seçicilərin üzünə açıldığını diqqətə çatdırıb. Onun sözlərinə görə, heç bir qanun pozuntusu qeydə alınmayıb. Həmin məntəqədə seçkiləri müşahidə edən müşahidəçilər də prosesə heç bir kənar müdaxilə olunmadığını bildiriblər. Qeyd edək ki, 44 saylı Sumqayıt-Xızı seçki dairəsinin 1 saylı məntəqəsində ATƏT-in müşahidə missiyasının nümayəndələri - İsveçdən olan parlamentari Marqarita Sederfelt və Avstriyadan olan parlamentari Kristian Hafeneker seçkilərin gedişini izləyiblər.
Pərviz SADAYOĞLU

Paylaş:

Baxılıb: 430 dəfə