Zəfərimizi daxildə və xaricdə həzm edə bilməyənlər...

Bakı:

19 °C

88 %

4 m/s

Əlaqə

AZ RU EN

Ana səhifə / Siyasət / Zəfərimizi daxildə və xaricdə həzm edə bilməyənlər...

Zəfərimizi daxildə və xaricdə həzm edə bilməyənlər...

03.11.2021 [10:30]

AXCP sədri Əli Kərimli növbəti dəfə gülünc açıqlaması ilə gündəmə gəlməyə çalışıb. O, Füzulidə və digər bölgələrimizdə tikilən hava limanlarına ehtiyacın olmadığını deyib.

Səslənən fikirlər sadəcə mənasız iddialardır

Millət vəkili Arzu Nağıyev “Yeni Azərbaycan”a açıqlamasında bildirib ki, 44 günlük möhtəşəm Zəfərimizi daxildə və xaricdə həzm edə bilməyənlər var. Onun sözlərinə görə, ən strateji əhəmiyyətə malik məntəqələrdən biri məhz Füzuli rayonudur: “Hava limanının Füzuli rayonunda tikilməsi iqtisadi, siyasi və hərbi cəhətdən mühüm əhəmiyyət kəsb edir. Bu gün hər hansı bir texnikanın Qarabağ ərazisindən çıxarılması, eyni zamanda, logistikanın həyata keçirilməsi və daxili hava uçuşlarının baş tutması baxımından tək Füzuli deyil, bir sıra strateji məntəqələrdə də hava limanlarının tikilməsi labüddür. Çünki hazırda Azərbaycanda beynəlxalq standartlara uyğun başqa hava limanları var. Onların hər biri böyük əhəmiyyətə malikdir. Füzuli Hava Limanının lazımsız olduğuna dair səslənən fikirlər isə sadəcə mənasız iddialardır”.

Əsassız tənqid gülünc görünür

Hərbi ekspert Ramil Məmmədli hesab edir ki, mübarizəni düzgün və dolğun aparmaq lazımdır: “Əlbəttə, alterantiv olaraq müxalif fikirlərə ehtiyac var. Lakin səslənən iddialar boş və mənasızdır. Tənqidin isə əsaslı predmeti olmalıdır. Əsassız tənqid öz əhəmiyyətini itirir, əks-təsir göstərir və gülünc görünür. Hava limanının xüsusən də işğaldan azad olunan Qarabağ ərazisində inşa edilib istifadəyə verilməsi olduqca vacib idi. Dövlətimiz qısa müddətdə buna nail oldu. Ümumiyyətlə, nəinki Füzuli, hətta Zəngilan və Laçında inşası başlanılan və yaxud planlaşdırılan hava limanlarının da əhəmiyyəti olduqca böyükdür. Bu əhəmiyyət, ilk növbədə, mülki təyinatlı olması ilə bağlıdır. Yəni həmin ərazidə infrastruktur layihələrinə start verilməsi üçün lazımi şərait yaradılır. İkinci məqam hava limanının gələcəkdə turizmin inkişafına təkan verməsidir. Füzuli Hava Limanının vacibliyindən biri də hərbi təyinatlı olmasıdır. Etiraf etmək lazımdır ki, istənilən hava limanı və yaxud digər nəqliyyat qovşaqları yalnız mülki deyil, həm də hərbi təyinatlıdır. Həmin ərazidə yerləşən hərbi hissələr və bazaların sürətli təchizatının həyata keçirilməsi, həmçinin hərbi təynatlı döyüş aviasiya vasitələrinin istifadəsi üçün hava limanlarının böyük əhəmiyyəti var. Zaman keçdikcə Füzuli Hava Limanının nə qədər lazımlı olduğunu görəcəyik. Layihənin inşası Azərbaycan dövlətinin strateji maraqları çərçivəsindədir”.

Yeganə Bayramova

Paylaş:

Baxılıb: 873 dəfə